+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

اقتاۋلىق جاس مامان لوندونداعى Huawei كومپانياسىنا قالاي شاقىرتۋ الدى؟

13 قاڭتار 07:55
:ءبولىسۋ
اقتاۋلىق جاس مامان لوندونداعى Huawei كومپانياسىنا قالاي شاقىرتۋ الدى؟

اقتاۋ. قازاقپارات - اقتاۋلىق 22 جاستاعى بەكجان بەكبولات ۇلى لوندونداعى Huawei كومپانياسىنا جۇمىس ىستەۋگە شاقىرتۋ العان.

ول 2- قاڭتاردان باستاپ، ۇلى بريتانيادا اتالعان مەكەمەدە تاجىريبەدەن وتۋدە. قازاقپارات ءتىلشىسى بايلانىسقا شىعىپ، قازاقستان پروگراميسىنىڭ قالاي جۇمىسقا شاقىرتۋ العانىن، الپاۋىت برەندكە قالاي قىزمەت ەتۋگە بولاتىنى تۋرالى سۇقبات الدى.

- بەكجان بەكبولات ۇلى، ءبارىمىزدى قىزىقتىرعان سۇراقتان باستايىن. Huawei technologies Ltd كومپانياسىنا قالاي شاقىرتۋ الدىڭىز؟

- قىزىق بولدى، نەگىزى. مەنىڭ ويىمدا دا، جوسپارىمدا دا وسى جەردە جۇمىس ىستەۋ بولماپ ەدى. مەنىڭ دوسىم قىزىعاتىن. ول ءارتۇرلى كومپانيالارمەن بايلانىسقا شىعىپ، جۇمىس ىزدەپ ءجۇردى. كەيىن وسى Huawei كومپانياسى دوسىممەن بايلانىسقا شىقتى. ال، دوسىم بولسا، مەن تۋرالى دا ايتقان. كەيىن كومپانيانىڭ كادر مامانى مەنىمەن بايلانىسقا شىعىپ، سۇقباتتاسۋعا شاقىردى. ولاردى نەگىزىنەن مەنىڭ قىتايدا ستۋدەنتتەر اراسىندا وتكەن حالىقارالىق وليمپياداعا قاتىسقانىم قىزىقتىرعان.


- سۇقباتتاسۋ قالاي ءوتتى؟ ولارعا ءوزىڭىزدىڭ قانداي قىرىڭىزدى تانىستىردىڭىز؟

- سۇقباتتاسۋ الدىمەن، ونلاين ءوتتى. ولار ءارتۇرلى الگوريتمدەردى سۇرادى. مىسالى، جاساندى ينتەللەكت تۋرالى، ونىڭ ىشىندە تەلەفونداعى بەت-بەينەنى تانۋ سياقتى. وسى سالادا بىلەتىنىمدى ايتىپ بەردىم. ماماندارعا ۇناعان بولۋىم كەرەك، لوندونداعى كەڭسە ديرەكتورىمەن سۇقباتتاسۋ بولاتىنىن ايتتى. وسىلايشا، سۇقباتتاسۋدان ءساتتى ءوتىپ، تاجىريبەدەن وتۋگە شاقىردى. ەندى وسىندا 8 اي بولامىن.

- بەكجان، ءسىز تۇسكى ۇزىلىسكە شىققانشا 3 ساعات كۇتۋگە تۋرا كەلدى. جۇمىسىڭىزدا تەلەفون قولدانبايسىز با؟!

- ەندى، جاڭادان كەلگەن سوڭ كومپانيانىڭ تارتىبىنە ۇيرەنۋ كەرەك. قازاقستانمەن 3 ساعات ۋاقىت ايىرماشىلىعى بار. سوندىقتان ءسىزدى كۇتتىرۋگە تۋرا كەلدى.

- لوندون قالاي ەكەن؟ جاڭا جۇمىسىڭا ۇيرەنىستىڭ بە؟

- Huawei كومپانياسىنىڭ عيماراتى ايگىلى Google كورپوراتسياسىنىڭ عيماراتىمەن قاتار ورنالاسقان. مەنىڭ بارۋىما سەبەپ بولعانى، بىرىنشىدەن، كومپانيا قارجىلاي كومەكتەستى. ياعني، ۆيزا تولتىرۋدان باستاپ، جولاقىسىنا دەيىن تولەپ بەردى. ەڭ العاش كەلگەندە، قوناق ۇيگە ورنالاستىم. لوندون - الەمدەگى قىمبات قالا ەكەنىن بىلەسىزدەر. قوناق ءۇيدىڭ دە شىعىنىن كومپانيا ءوزى كوتەردى. ياعني، تالانتتى ماماندى وزدەرىنە شاقىرۋ ءۇشىن بار جاعدايدى جاسايدى ەكەن. ءبىر قىزىعى، بۇل كومپانيادا قازاقستاننان كەلگەن جالعىز مەن ەمەس ەكەنمىن. بىرنەشە قازاق جاسى جۇمىس ىستەپ جاتىر. كەلگەلى تانىسىپ جاتىرمىن. ۇيلەرىنە شاقىردى. جاقسى ارالاسىپ جاتىرمىز.

- تاجىريبەدەن ءساتتى وتسەڭىز، لوندوندا قالاسىز با؟

- ارينە، نەگە قالماسقا؟! مەن قازاقستاندا جۇمىس ىزدەپ ءجۇردىم. اياق استىنان وسىنداي ۇسىنىس ءتۇستى. بۇل ماعان اللانىڭ سىيى شىعار! الداعى ۋاقىتتا شتاتقا الىنسام، ايلىعىم 1 ميلليون 500 مىڭ بولادى. وتباسىما كومەكتەسەمىن. كەلگەن كەزدە جەكە نوۋتبۋككە دەيىن بەردى. قازىرگى تاڭدا كومپانياداعى ءارتۇرلى جوبالارمەن تانىسىپ، تەلەفون كامەرالارىنا جاساندى ينتەللەكت ورناتۋ بويىنشا بىلىكتىلىگىمدى ارتتىرۋدامىن.

- بەكجان ءوزىڭىز تۋرالى ايتىڭىزشى؟

- مەن 1998-جىلى اقتاۋ قالاسىندا دۇنيەگە كەلدىم. اقتاۋداعى ءبىلىم يننوۆاتسيا ليتسەيىن ءتامامدادىم. مەكتەپ قابىرعاسىندا ءجۇرىپ، تالاي جارىستارعا قاتىستىم. 7- سىنىپتان بەرى پروگرامالاۋدى قىزىق كوردىم. جەتىستىكتەرىمە توقتالسام، ينفورماتيكا پانىنەن رەسپۋبليكالىق وليمپيادانىڭ 4 جىل قاتارىنان جەڭىمپازىمىن. حالىقارالىق ەۋرازيا وليمپاداسىندا كۇمىس جۇلدە، «Asia-Pacificinformatics» وليمپياداسىندا قولا جۇلدە، حالىقارالىق جاۋتىكوۆ اتىنداعى وليمپيادادا كۇمىس الدىم. مەكتەپ جاسىنان ءوزىمدى وسى IT سالاسىنان كوردىم.


- بولاشاققا قانداي جوسپارىڭىز بار؟

- الداعى ۋاقىتتا وسى سالادا كاسىبىمدى اشۋدى جوسپارلايمىن. مۇمكىن، ۆەب-قوسىمشالار، سەرۆيستەر مەن تەحنولوگيالاردى ءوندىرۋ نەمەسە ستارتاپ جوبالارمەن اينالىساتىن شىعارمىن. بالكىم، لوندوندا جاقسى سەرىكتەس تاۋىپ، بىرگە ءىسىمىزدى اشاتىن شىعارمىن.

- سۇقباتىڭىزعا راحمەت! ەندەشە، ساتتىلىك!

اۆتور: ءلايلىم ءالىم


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات