+7 (701) 759 90 19
-10 °С : نۇر-سۇلتان
-4 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

قاسىم-جومارت توقايەۆتىڭ «اباي جانە  ХХІعاسىرداعى قازاقستان» ماقالاسى ازەربايجان تىلىندە جارىق كوردى

29 قاڭتار 09:39
:ءبولىسۋ
قاسىم-جومارت توقايەۆتىڭ «اباي جانە  ХХІعاسىرداعى قازاقستان» ماقالاسى ازەربايجان تىلىندە جارىق كوردى

باكۋ. قازاقپارات – ق ر پرەزيدەنتى قاسىم- جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسى ازەربايجان تىلىندە جارىق كوردى، دەپ حابارلايدى قازاقپارات.

ازەربايجاننىڭ رەسمي باس باسىلىمى «رەسپۋبليكا» گازەتى ق ر پرەزيدەنتى قاسىم-جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسىن ازەربايجان تىلىندە جاريالادى. ونى اۋدارعان تانىمال ازەربايجاندىق جۋرناليست ايدا ەيۆازوۆا ماقالانى Facebook - تەگى پاراقشاسىندا جۇرتشىلىق نازارىنا ۇسىندى.

«قازاقستان پرەزيدەنتىنىڭ ماقالاسىن ازەربايجان تىلىنە اۋداردىم جانە ول جوعارى دەڭگەيدە ءتارجىمالاندى دەپ ويلايمىن. اباي شىعارمالارى - بۇكىل تۇركى جۇرتىنىڭ مۇراسى. اۋدارما ءبىراز قيىندىق تا تۋدىردى. ادەتتە ەركىن اۋدارما جاسايتىن ەدىم. ءبىراق، ماقالادا قازاق تىلىندەگى كونە سوزدەر ءجيى كەزدەسەدى ەكەن. ال ول سوزدەردىڭ ەلەكتروندى اۋدارماشىدا ناقتى ماعىناسى جوق. سوندىقتان ازەربايجاندىقتار ءۇشىن دە، قازاقستانداعى وقىرماندار ءۇشىن دە جەڭىل ءارى تۇسىنىكتى تىلدە اۋدارۋعا تىرىستىم»، - دەدى ايدا ەيۆازوۆا قازاقپارات تىلشىسىنە بەرگەن سۇحباتىندا.

سونىمەن قاتار ول قازىرگى ۋاقىتتا ابايدىڭ قارا سوزدەرىن اۋدارۋعا كىرىسكەنىن ايتادى.

«وسىدان 10 كۇن بۇرىن ابايدىڭ قارا سوزدەرىن اۋدارۋعا كىرىسكەن ەدىم. قازىر كۇن سايىن تاڭەرتەڭ modern.az وقىرماندارىنا ابايدىڭ قارا سوزدەرىن تانىستىرىپ وتىرامىز. قازاقتىڭ ۇلى اقىنىنىڭ بۇل مۇراسىن اقپان ايىنىڭ سوڭىنا دەيىن اياقتاۋ ويىمدا بار. سودان كەيىن حالىقارالىق تۇركى اكادەمياسى كىتاپ قىلىپ باسىپ شىعارادى. اباي سوزدەرى قۇران حاديستەرىن، ازەربايجان ساتيريكتەرى ميرزا الەكپەر سابير، سايد ازيم شيرۆانيدى ەسكە تۇسىرەدى. مەنىڭشە، اباي مۇراسى - بابالار ءسوزى»، - دەدى ازەربايجان جۋرناليسى.

ەسكە سالا كەتسەك، «Egemen Qazaqstan»گازەتىنىڭ 9- قاڭتارداعى سانىندا ق ر پرەزيدەنتى قاسىم-جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسى جاريالانعان بولاتىن.


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات