بويجەتكەن قايتىس بولعان اناسىن Google كارتادان «تاۋىپ» الدى

نۇر-سۇلتان. قازاقپارات - يندونەزيادا تانىمال بلوگەر مارقۇم اناسىنىڭ سۋرەتتەرىن Google Maps-تەن تاپتى. قىز دوستارىنا ءوزى تۇراتىن ءۇيدىڭ ورنالاسقان جەرىن دوستارىنا كورسەتۋ ءۇشىن سايتقا كەزدەسوق كىرگەن ەكەن.

تاڭعالارلىعى، ول ءتورت جىل بۇرىن قايتىس بولعان انانىڭ سۋرەتىن تاپقان. ول ۇيگە بارار جولدا سۋرەتكە تۇسكەن ەكەن.

لەديا ەلان سافيتري (Ledia Elan Safitri) اسەرلى اڭگىمەسىن تيكتوكتا بولىسكەن ەدى. وقىرماندارى وعان جىلى لەبىزدەرىن ايتىپ، قولداۋ ءبىلدىردى. اناسى تۋرالى ۆيدەو- پوستتى 3 ميلليوننان استام ادام قاراپ ۇلگەرگەن.

قىز كوپتەن بەرى كوشۋگە دايىندالىپ جاتقانىن ايتقان. وقىرماندارى قازىرگى ءۇيىن Google كارتادا كورسەتۋىن سۇراپتى.

«شوشىپ كەتكەنىم راس، ءبىراق وتە قۋانىشتىمىن. انامنىڭ سۋرەتتەرى كوپ ەمەس. ويتكەنى سول كەزدەرى تەلەفونىمدى جوعالتىپ العان كەزدەر ەدى. دەگەنمەن، باقيلىق بولعان انامدى قاتتى ساعىنامىن»، - دەپ جازدى سافيتري جەلىدە.

اناسىنىڭ سۋرەتتەرى كارتالاردا ساقتالعان سەبەبى، سوڭعى 4 جىلدا اۋدان كارنتاسى جاڭارتىلماعاندىقتان دەپ بولجايدى.