Golovkın rematch týraly: Burynǵydan da jaqsy aıqasatyn bolamyn
«Alǵashqy jekpe-jek kezinde jáne odan keıin ózderiniń naǵyz bet-beınelerin ashqan adamdar qanshama. Bir emes, birneshe adamdy meńzep otyrmyn. Men ózimniń jáne «Kanelonyń» kim ekenin, onyń qazirgi deńgeıin jaqsy bilemin. Rematchtaǵy qarsylasymnyń osal emes ekeni de belgili. Alaıda endi alǵashqy jekpe-jekti oılamaımyn. Birinshi kezdesýde jeńiske jetip, rıngten barlyq chempıondyq beldikterimmen qaıttym. Bul jaqsy aıqas boldy, alaıda dál qazirgi jaǵdaı bólek. Men alǵashqy kezdesýden keıin rematchqa, «Kaneloǵa» jáne onyń promoýterine degen qarym-qatynasymdy aıqyndap aldym. Kelesi kezdesýde jańa tóreshiler men referı otyrady, sondyqtan álem múlde basqa jekpe-jekti tamashalaıtyn bolady. Abelmen [Sanches] lagerde jańa qımyldardy pysyqtadyq. Dál qazir ózimdi baqytty ári myqty sezinemin. Jankúıerlerime meksıkalyq stıldegi oıyn kórsetkim keledi. Bul joly chempıondyq tıtýldarym úshin burynǵydan da jaqsy aıqasatyn bolamyn», - dep málim etti Gennadıı Golovkın Boxingtalk.com saıtyna bergen suhbatynda.
Golovkın men «Kanelonyń» birinshi aıqasy 2017 jyly 16 qyrkúıekte Las-Vegasta ótip, daýly teń nátıjemen aıaqtaldy. Rematch 15 qyrkúıekte sol jerde ótedi.