GGG bapkeri: Kórermender byltyrǵydan ózgeshe aıqas kútedi

LAS-VEGAS. QazAqparat - Amerıkalyq boks áýesqoılary Gennadıı Golovkın (38-0-1, 34 KO) men Saýl Alvares (49-1-2, 34 KO) arasynda ótetin senbilik rematchtyń tikeleı kórsetilimin tamashalaý úshin 85$ tóleıdi, dep habarlaıdy QazAqparat «SPORTINFORM» SAA-ǵa silteme jasap.

GGG bapkeri Kanelo kórermenderge byltyrǵydan áldeqaıda myqty aıqas kórsetýge mindetti degen pikirdi ustanady.

«О́tken senbide alty boksshy jeńýge tyrysqan úsh jekpe-jekti tamashaladyq. Kórermender dál osyny kútedi. Eshkim bireýdiń aıqastan jaltarýyn tamashalaý úshin 90$ jumsaǵysy kelmeıdi. Kanelo dál osyndaı yńǵaıly joldy paıdalana alady. Men Kaneloǵa aqylmen judyryqtasýǵa keńes berer edim. Degenmen ol raýndtarda jeńiske jetti. Ol myqty qorǵana alady, jaqsy kontrpancher der edim. Sondyqtan dál osylaı judyryqtassyn!»,- dedi Sanches.

Eske salaıyq, 15 qyrkúıekte (Qazaqstanda - 16 qyrkúıek, tańerteń) Gennadıı Golovkın Saýl Alvarespen Las-Vegaste kezdesedi.