الماتىدا G5 جەلىسى پيلوتتىق رەجيمدە ىسكە قوسىلىپ جاتىر

الماتى. قازاقپارات- الماتىدا 3 وپەراتور پيلوتتىق رەجيمدە G5 جەلىسىن قوستى.

بۇل تۋرالى قالالىق سيفرلاندىرۋ باسقارماسىنىڭ باسشىسى بايان قوڭىربايەۆ بريفينگ بارىسىندا ءمالىم ەتتى، دەپ حابارلايدى قازاقپارات ءتىلشىسى.

سپيكەردىڭ سوزىنشە، G5 جەلىسىن ەلىمىزدە قىزمەت كورسەتەتىن 3 وپەراتور ادامدار كوپ جينالاتىن جەرگە ورناتتى.

«قازىر كوكتوبە، شىمبۇلاق، مەدەۋ، كاۋسار-پلازا جانە سمارت-پوينت نۇكتەسىندە پيلوتتىق رەجيمدە G5 جەلى ىسكە قوسىلدى. تەحنولوگيانىڭ وتە جىلدام دامۋىنا بايلانىستى ءبىز وسى G5 جەلىسىنە باسىمدىق بەرىپ وتىرمىز. ويتكەنى ول از ۋاقىتتىڭ ىشىندە اناعۇرلىم كوپ ماعلۇماتتى بەرە الادى. سونىمەن قاتار، بۇل جەلى كەشكى ۋاقىتتا تەلەفوننان سەريال كورۋگە، جاقىندارىمىزبەن ۆيدەو ارقىلى سويلەسۋگە مۇمكىندىك بەرەدى»، - دەدى بايان قوڭىربايەۆ.

سونىمەن قاتار، ول G5 جەلىسىن قوسۋدا قالاعا ەشقانداي شىعىن كەلمەيتىنىن اتاپ ءوتتى.

ونى وپەراتورلار وزدەرى ورناتىپ جاتىر.