نۇرسۇلتان نازاربايەۆ تۇركىستانداعى «Farab» كىتاپحاناسىن ارالاپ كوردى

None
None
تۇركىستان. قازاقپارات - ەلباسى «Farab» وبلىستىق عىلىمي- امبەباپ كىتاپحاناسىنا باردى.

بۇل تۋرالى ەلباسىنىڭ باسپا ءسوز حاتشىسى ايدوس ۇكىباي twitter- دەگى پاراقشاسىندا جازدى.

نۇرسۇلتان نازاربايەۆ «Farab» كىتاپحاناسىنىڭ سيفرلىق ءوندىرىس زەرتحاناسى جۇمىسىنىڭ ناتيجەلەرىمەن تانىستى، سونداي-اق سيرەك كىتاپتار مەن مانۋسكريپت (كونە زامانعى قولجازبا) زالىن ارالاپ كوردى.

وبلىستىق عىلىمي- امبەباپ «Farab» كىتاپحاناسىندا 480 مىڭنان استام كىتاپ قورى بار. مۇندا سيرەك كەزدەسەتىن وقۋلىقتار از ەمەس. ماسەلەن كەسەنەگە جۇرگىزىلگەن ەڭ العاشقى زەرتتەۋ جۇمىستارى جايلى جازبالار دا وسىندا ساقتاۋلى.

اۋدانى 2600 شارشى مەترلىك ءۇش قاباتتى عيماراتتىڭ ساۋلەتى كىتاپ بەتتەرىنە ۇقساس ەتىپ سالىنعان.

«كىتاپحانا باسقارۋشى كومپانياعا بەرىلگەن. وندا الاڭسىز كىتاپ وقىپ، ادام رۋحاني جاعىنان ءوز ءوزىن دامىتۋعا مۇمكىندىك مول. وقىرماندار ءۇشىن كىتاپ وقۋ تەگىن. بالالار بۇل جەردە وزدەرىن جان- جاقتى دامىتا الادى. «Farab كىتاپحاناسى» تۋريستىك ورتالىقتا ورنالاسقان. اتا-انالار وسى ارالىقتا بالالارىن كىتاپحاناداعى قىزمەتكەرلەرگە الاڭسىز قالدىرا الادى. ولارعا اقىلى تۇردە وتە جوعارى دەڭگەيدە قىزمەت تۇرلەرى كورسەتىلەدى»، - دەدى كىتاپحانانىڭ ديرەكتورى ايكو توكەن.

جاڭا كىتاپحانادا كونفەرەنسيا زالى، 100 ورىندىق وقۋ زالى، ەكسپوزيتسيا، كورمە زالى، كىتاپحانا مۇراجايى، كىشى كونفەرەنس-زال، بالالار زالى، ۇلتتىق ادەبيەت ورتالىعى، اسسامبلەيا، كوۆوركينگ (ءىلىم بەرۋ)، ادەت- عۇرىپ جانە سالت-ءداستۇر ورتالىعى، ونەر زالى، شەتەل تىلىندەگى ادەبيەت جانە ابونەمەنتتەر ءبولىمى، مەرزىمدى باسىلىمدار زالى، ينتەرنەت-زال، IT تەحنولوگيالار كابينەتى جانە قور ساقتاۋ قويماسى بار.

بۇدان بولەك كينوكونتسەرت زالى، بالالار بالەت ستۋدياسى، مۋزىكالىق ۇيىرمەلەر، دىبىس جازۋ ستۋدياسى، تەاتر ستۋدياسى دا قاراستىرىلعان.

سوڭعى جاڭالىقتار