Facebook جالعان اككاۋنتتارمەن كۇرەستىڭ جاڭا ادىستەرىن ازىرلەۋدە - مارك سۋكەربەرگ

ميۋنحەن. قازاقپارات - الەۋمەتتىك جەلىلەر ارقىلى سايلاۋ ۇردىسىنە ىقپال ەتۋ ارەكەتتەرى شەتەلدەن ەمەس، داۋىس بەرىلىپ جاتقان ەلدىڭ ىشىندە كوبىرەك ورىن الادى.

بۇل تۋرالى ميۋنحەن قاۋىپسىزدىك كونفەرەنسياسىندا Facebook كورپوراتسياسىنىڭ باسشىسى مارك سۋكەربەرگ ءمالىم ەتتى، دەپ حابارلايدى قازاقپارات ءتىلشىسى.

«قازىرگى كەزدە شەتەلدىك ارەكەتتەرگە قاراعاندا، ەل ىشىندەگى وسى تەكتەس ارەكەتتەر كوبىرەك كەزدەسەتىنىن اتاپ وتكەن ءجون»، - دەدى م. سۋكەربەرگ.

سونىمەن قاتار، ول سوڭعى جىلدارى سايلاۋعا ىقپال ەتۋ ارەكەتتەرى قيىنعا تۇسەتەنىن، وسى ورايدا Facebook اۋقىمدى قورعانىس شارالارىن قابىلداپ جاتقانىن اتاپ ءوتتى.

«ءبىز الدىن الۋ شارالارىنا ءمان بەرۋگە ءماجبۇرمىز. اتاپ ايتقاندا، وسى باعىتتا ءتيىستى شارالاردى قابىلداۋدىڭ جاڭا تاسىلدەرىن دايىنداۋدامىز»، - دەدى ول.

بۇل تۇرعىدا جاساندى ينتەللەكت جۇيەسى ازىرلەنۋدە، ولار جالعان اككاۋنتتاردى ءتيىمدى انىقتاي الادى.

«سوڭعى ۋاقىتتا ءبىز وسىنداي ءبىرقاتار اككاۋنتتاردى بۇعاتتادىق. وسىنداي اككاۋنتتاردى انىقتاۋعا قاۋقارلى كۇردەلى جۇەيەلەرىمىز بار»، - دەدى مارك سۋكەربەرگ.

ءسوز سوڭىندا ول كوپتەگەن جاساندى پاراقشالاردى بۇعاتتاۋ جۇرگىزىلەتىنىن جانە ولار كوپ جاعدايدا پاراقشا اشىلعاننان كەيىن 1 مينۋتتان كەيىن جابىلاتىنىن اتاپ ءوتتى.