مەملەكەت باسشىسى Exxon Mobil كورپوراتسياسىنىڭ اعا ۆيتسە- پرەزيدەنتىن قابىلدادى
كەزدەسۋ بارىسىندا قازاقستان مەن Exxon Mobil كورپوراتسياسى اراسىنداعى ىقپالداستىقتىڭ پەرسپەكتيۆالارى، كومىرسۋتەگى سالاسىنداعى ءبىرقاتار جوبالاردىڭ جۇزەگە اسىرىلۋى، «جاسىل» تەحنولوگيالاردى ەنگىزۋ، سونداي- اق، الەمدىك ەنەرگەتيكا نارىعىنداعى قازىرگى احۋال تالقىلاندى.
مەملەكەت باسشىسىنا قاشاعاندى يگەرۋ قارقىنى مەن تەڭىز كەن ورنىن كەڭەيتۋ باعىتىنداعى جۇمىستار باياندالدى.
پرەزيدەنت كورپوراتسيانىڭ ەلىمىزبەن سەرىكتەستىك ورناتقان 28 جىل ىشىندە قازاقستان ەكونوميكاسىن دامىتۋعا قوسقان ۇلەسىن جوعارى باعالادى. نيل چاپمان Exxon Mobil ءۇشىن قازاقستانمەن اراداعى ىنتىماقتاستىقتىڭ ماڭىزدى ەكەنىن اتاپ ءوتىپ، ءوزارا ىقپالداستىقتى ودان ءارى نىعايتۋعا نيەتتى ەكەنىن جەتكىزدى. سونىمەن قاتار امەريكالىق كاسىپكەر مۇنايدىڭ الەمدىك نارىعىن ودان ءارى دامىتۋ جونىندەگى وي- پىكىرىن ورتاعا سالىپ، اتالعان سالاداعى وزەكتى ماسەلەلەر تۋرالى ايتتى.