توقايەۆ «Eurasia Group Kazakhstan» ج ش س- نىڭ سەرۆيس ورتالىعىن ارالاپ كوردى
پرەزيدەنت وقۋ بولمەلەرى مەن اگرەگاتتىق شەبەرحاناسى بار اۋىل شارۋاشىلىعى تەحنيكالارىن كۇردەلى جوندەۋدەن وتكىزەتىن ورتالىقتى، سيفرلاندىرۋ جانە اۆتوماتتاندىرۋ ۇدەرىستەرى، زاماناۋي تەحنولوگيالار، يرريگاتسيا جانە كوكونىس شارۋاشىلىعى جونىندەگى وقۋ ورتالىعىن، ءونىم ساقتايتىن قويمالاردى، سونداي- اق، كورمە الاڭدارىن ارالاپ كوردى.
جاڭا اۋتلەت قازىرگى زاماننىڭ تالاپتارى مەن ۇردىستەرىنە جاۋاپ بەرەدى. قازاقستان بويىنشا قوسالقى بولشەكتەردىڭ ۇزدىكسىز جەتكىزىلۋىن قامتاماسىز ەتەدى. سونىمەن قاتار تەحنيكالاردى كۇردەلى جوندەۋ جانە قايتا قالپىنا كەلتىرۋ مۇمكىندىكتەرىن كەڭەيتەدى. قاسىم- جومارت توقايەۆ اۋىل شارۋاشىلىعىنىڭ ەلىمىز ءۇشىن ستراتەگيالىق ماڭىزى زور سالا ەكەنىن اتاپ ءوتتى.
پرەزيدەنتتىڭ ايتۋىنشا، الدىمىزدا ەڭبەك ونىمدىلىگىن ارتتىرۋ مىندەتى تۇر. ءبىراق زاماناۋي تەحنولوگيالاردى ەنگىزبەي جانە مەنەدجمەنتتى جاقسارتپاي وعان قول جەتكىزۋ مۇمكىن ەمەس. مەملەكەت باسشىسى فەرمەرلەر مەن زاماناۋي تەحنولوگيالاردى مەڭگەرگەن جاس مامانداردى وقىتۋ جونىندەگى جۇيەلى جۇمىستاردى جولعا قويۋدىڭ ماڭىزدى ەكەنىن ايتتى. بۇل، ءوز كەزەگىندە، اگرارلىق سالاداعى بىلىكتى كادرلاردىڭ تاپشىلىعىنا قاتىستى ماسەلەنى شەشۋگە سەپتىگىن تيگىزەدى.
