ولجاس سىدىقبەك Elorda Aqparat ج ش س ديرەكتورى بولىپ تاعايىندالدى

None
None
نۇر-سۇلتان. قازاقپارات - ولجاس سىدىقبەك «Elorda Aqparat» مەدياحولدينگىن باسقاراتىن بولدى، دەپ حابارلايدى قازاقپارات.

سىدىقبەك ولجاس داۋرەن ۇلى 1984-جىلى الماتى وبلىسىندا دۇنيەگە كەلگەن.

2005-جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا» ماماندىعى بويىنشا، 2010-جىلى ت. جۇرگەنوۆ اتىنداعى قازاق ۇلتتىق ونەر ۋنيۆەرسيتەتىن «رەجيسسەرلىك» ماماندىعى بويىنشا ءتامامداعان.

ءارتۇرلى جىلدارى قازاق راديوسىندا، تەلەارنالاردا جۇمىس ىستەگەن.

«قازاقستان» رەسپۋبليكالىق تەلەراديوكەشەنى» ا ق ءبولىم باستىعى، ۇلتتىق مۋزەيدىڭ اقپاراتتىق-يميدجدىك جۇمىسى ورتالىعىنىڭ باسشىسى قىزمەتتەرىن اتقارعان.

بۇعان دەيىن ەركەعالي راحماديەۆ اتىنداعى مەملەكەتتىك اكادەميالىق فيلارمونيا باس ديرەكتورىنىڭ ورىنباسارى بولعان.

ايتا كەتەيىك، وسى ۋاقىتقا دەيىن «Elorda Aqparat» ج ش س ديرەكتورى بولعان ەرلان قارابالايەۆ مەملەكەتتىك قىزمەتكە اۋىسۋىنا بايلانىستى بۇل لاۋازىمنان بوساتىلدى.

سوڭعى جاڭالىقتار