+7 (701) 759 90 19
-2 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

Elimizde sút beziniń qaterli isigi jasaryp barady – bas onkolog-dáriger

21 قازان 16:57
:ءبولىسۋ
Elimizde sút beziniń qaterli isigi jasaryp barady – bas onkolog-dáriger

NUR-SULTAN. QazAqparat – QR Densaýlyq saqtaý mınıstrliginiń bas onkolog-dárigeri, Qazaq ulttyq onkologıa jáne radıologıa ınstıtýtynyń dırektory Dılára Qaıdarova Qazaqstanda sút beziniń qaterli isigimen aýyratyndar qatary jasaryp bara jatqanyn málim etti, dep habarlaıdy QazAqparat tilshisi.

«Biz halyqqa obyr aýrýlaryn anyqtaıtyn tekseristerge, skrınıngterge kelińizder dep, aldyn alý jumystaryn barynsha nasıhattaımyz. Ómirińizdiń bir kúnin tekseriske arnańyz. Sút beziniń qaterli isigi qazir elimizde jasaryp barady. Bul dertke 32 jasynda, tipti 28 jasynda shaldyqqandar kezdesti. Sol sebepti, tegin tekseristen ótý jasyn 50-den 40 jasqa deıin tómendettik. Iaǵnı, osy jastaǵy áıelder kez kelgen klınıkaǵa kelip, tegin mammografıadan óte alady. Mammograftar barlyq jerde bar», - dedi Dılára Qaıdarova Onkologıadaǵy Dúnıejúzilik kóshbasshylar sammıtinde tilshilerge bergen suhbatynda.

Bas onkolog-dárigerdiń aıtýynsha, sút beziniń qaterli isigi búkil álem elderinde jasaryp barady. Adamnyń ýaıym-qaıǵyda bolýy, durys tamaqtanbaýy, DNK-nyń ózgerýine alyp keletin dári-dármekti qabyldaýy men jaısyz ekologıanyń keselinen áıelder bul aýrýǵa shaldyǵýy ábden múmkin.

Aıta ketsek, buǵan deıin Dılára Qaıdarova ata-ananyń ruqsatymen balalarǵa jatyr moıny qaterli isigine qarsy vaksınasıa júrgiziletinin málim etken bolatyn.

Eske sala ketsek, elordada keshe Onkologıadaǵy Dúnıejúzilik kóshbasshylar sammıti bastaldy. Forým jumysyna Halyqaralyq obyrǵa qarsy odaq (UICC) prezıdenti, joǵary mártebeli hanshaıym Dına Maıred, Qazaqstan Densaýlyq saqtaý mınıstri Eljan Birtanov qatysýda.

Elbasy Nursultan Nazarbaev búgin Onkologıadaǵy Dúnıejúzilik kóshbasshylar sammıtiniń qatysýshylaryna quttyqtaý hat joldady.


باستى سوزدەر: Jan`a a`lipbi`,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات