Elektrondyq densaýlyq pasportyn engizý merzimi belgili boldy
«Platformany synaqtan ótkizip bolǵannan keıin elektrondyq densaýlyq pasportyn QR aýmaǵynda ilki joba retinde engizý jumysyn júrgizý josparlanyp otyr. 2018 jyldyń tórtinshi toqsanynda iske qosylady», - dedi vedomstvo ókilderi redaksıanyń jazbasha saýalyna jaýabynda.
Sonymen qatar, mınıstrlikte jergilikti atqarýshy organdardyń kelisimimen, aımaqtyq deńgeıde elektrondyq densaýlyq pasporttarynyń (EDP) elementteri nemese jergilikti elektrondyq densaýlyq pasporty engizilgenin aıtty.
«Medıtsınalyq aqparattyq júıeler óńirge tirkelgen adamdar jaıly, sondaı-aq, aýyl halqy jaıly barlyq tólqujattyq málimetterdi qamtıdy. Sonymen qatar, ambýlatorıalar men dıspanserlerge júginý boıynsha maǵlumattarǵa ıe», - dedi Densaýlyq saqtaý mınıstrligi ókili.
Vedomstvo jasaǵan statıstıkalyq málimetterge sáıkes, elektrondyq densaýlyq pasportyn engizý boıynsha Túrkistan oblysy kósh bastap keledi. Bul óńirde 1 951 728 adam EDP-ǵa ıe bolǵan.
Almatyda - 1 383 022, Shyǵys Qazaqstan oblysynda - 862 995, Qaraǵandy oblysynda - 766 936, Astanada - 728 578, Batys Qazaqstan oblysynda - 640 000, Atyraý oblysynda- 620 000, Aqmola oblysynda - 586 548 adam, Aqtóbe oblysynda - 555 828 adam, Qyzylorda oblysynda- 549 990, Mańǵystaý oblysynda - 476 393, Pavlodar oblysynda - 370 028, Qostanaı oblysynda - 362 213, Soltústik Qazaqstan oblysynda - 338 396, Jambyl oblysynda - 22 003 adam.