+7 (701) 759 90 19
1 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

مارات ءازىلحانوۆ شەتەلدەگى قانداستاردى «El.kz»  پورتالىنىڭ جوباسىن پايدالانۋعا شاقىردى

25 قىركۇيەك 19:40
:ءبولىسۋ
مارات ءازىلحانوۆ شەتەلدەگى قانداستاردى «El.kz»  پورتالىنىڭ جوباسىن پايدالانۋعا شاقىردى

نۇر-سۇلتان. قازاقپارات - ق ر اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ شەتەلدەگى قانداستاردى «El.kz» اقپاراتتىق-تانىمدىق پورتالىنىڭ جوباسىن پايدالانۋعا شاقىردى، دەپ حابارلايدى قازاقپارات ءتىلشىسى.

ايتا كەتەيىك، بۇگىن «وتانداستار قورى» مەن «دۇنيەجۇزى قازاقتارىنىڭ قاۋىمداستىعى» بىرلەسە وتىرىپ شەتەلدەگى قازاق دياسپورالارىمەن ونلاين-كەزدەسۋ ۇيىمداستىرىلدى.

ونىڭ اياسىندا «El.kz» اقپاراتتىق-تانىمدىق پورتالىنىڭ «قانداستار» جوباسى تانىستىرىلدى.

«بۇگىنگى ماڭىزدى كەزدەسۋدە «El.kz» اقپاراتتىق-تانىمدىق پورتالى جاڭا قىرىنان تانىلىپ وتىر. بۇل پورتال تۋرالى تولىق مالىمەت بەرىلگەن. ءبىزدىڭ ماقساتىمىز - وسىنداي ورتاق الاڭداردى قۇرۋ. ءبىر-ءبىرىمىزدى تەرەڭىرەك تانىپ، اقپارات الماسىپ وتىراتىن الاڭدار ماڭىزدى. بارلىق ەلدەردەگى قانداستار وسى پورتال ارقىلى قوسىلىپ، وزدەرى تۋرالى، كۇندەلىكتى ءومىرى جايىندا، جالپى جاڭالىقتاردى El.kz ارقىلى جاريالاپ وتىرسا دەگەن ۇسىنىس بار»، - دەدى مارات ءازىلحانوۆ.

وسى ورايدا ۆيتسە-مينيستر قازاقستان حالقى شەتەلدەگى قانداستاردىڭ ءومىرى تۋرالى جاقسىراق تانىسۋعا قىزىعۋشىلىق تانىتاتىنىن جەتكىزدى.

«مادەنيەت، بيزنەس جانە باسقا دا سالالار بويىنشا قىزىقتى مالىمەتتەر جاريالانسا، قولدايمىز. «El.kz» اقپاراتتىق-تانىمدىق پورتالىنىڭ ارنايى «قانداستار» ءبولىمى بارشامىزعا يگىلىكتى ورتاق الاڭ بولا الادى. سوندىقتان وسى پورتالدىڭ مۇمكىندىكتەرىن تولىق پايدالانۋعا شاقىرامىن. ماقالالار، ساراپتامالىق زەرتتەۋلەر بولسا، ونى جاريالاۋ كەرەك»، - دەدى ۆيتسە-مينيستر.

ءوز كەزەگىندە «قازاقپارات» ح ا ا» ا ق باسقارما ءتوراعاسى اسقار ۋماروۆ «قازاقپارات» اگەنتتىگى ءبىراز جىلدان بەرى شەتەلدەگى قانداستارعا اقپارات تاراتۋعا ەرەكشە ءمان بەرىپ كەلە جاتقانىن اتاپ ءوتتى.

«توتە جازۋمەن عالامتورداعى العاشقى جاڭالىقتار بىزدە شىققان. سونىمەن قاتار قازاقپاراتتىڭ لاتىن نۇسقاسى دا جاريالانىپ كەلەدى. بىلتىر عانا «وتانداستار قورىمەن» بىرلەسە شەتەلدەگى بارلىق قازاق ءتىلدى ب ا ق- تىڭ وكىلدەرىنىڭ باسىن قوستىق. بۇگىنگى شارا اياسىندا «El.kz» اقپاراتتىق-تانىمدىق پورتالى جوباسىنىڭ تانىستىرىلىمىن وتكىزدىك. بۇل پورتال بۇرىننان بار. وسى جوبانى قازاقستانعا جاسالعان ونلاين-ساياحات دەۋگە بولادى»، - دەدى اسقار ۋماروۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات