قازاقستاندىقتار جەكە باسىنا قاتىستى قاتە مالىمەتتەردى eGov تا ونلاين تۇزەتە الادى
بۇل تۋرالى ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.
«جەكە دەرەكتەردىڭ جالعان، سايكەس كەلمەۋ فاكتىلەرى بار. مىسالى، ءسىزدىڭ 4 بالاڭىز بولعانىمەن، eGov تا 3 بالا دەپ كورسەتىپ تۇرادى. نەمەسە مۇلدەم بالاسى الدە جۇبايى جوق دەپ كورسەتەدى. مۇنى قالاي رەتكە كەلتىرۋگە بولادى؟ بۇرىن ا ح ا ت- قا، اندا-مىندا بارۋشى ەدىڭىزدەر. ەندى eGov-تىڭ ىشىندە ءبىر تۇيمەنى باسىپ، سول جەرگە ءوزىڭىزدىڭ مالىمەتتەرىڭىزدى، تۋۋ تۋرالى كۋالىك، جەكە كۋالىك سۋرەتىن جۇكتەۋ مۇمكىندىگىن قاراستىرىپ جاتىرمىز. ال جاسى ۇلكەن نە eGov تى قولدانا المايتىن ازاماتتار حالىققا قىزمەت كورسەتۋ ورتالىقتارىنا بارىپ، ءوتىنىش بەرە الادى. ءبىراق، بۇل پروتسەسس 3 كۇننىڭ ىشىندە اياقتالۋى ءتيىس، مالىمەتتەر بازاعا كىرۋى قاجەت»، - دەدى مينيستر اقتوبە وبلىسى جۇرتشىلىعىمەن كەزدەسۋ بارىسىندا.
ونىڭ ايتۋىنشا، كەشە ۇكىمەت باسشىسىنىڭ توراعالىعىمەن سيفرلاندىرۋ كوميسسياسىنىڭ وتىرىسى وتكەن. وتىرىس قورىتىندىسىمەن وسىنداي ءىس-شارالار بەكىتىلدى.
«بۇل حالقىمىز ءۇشىن ۇلكەن پروبلەما بولاتىن»، - دەدى باعدات مۋسين.