كوروناۆيرۋس: eGov.kz پورتالىنداعى كارتا نە ءۇشىن جاسالعانى ءتۇسىندىرىلدى

None
None
نۇر-سۇلتان. قازاقپارات - دەنساۋلىق ساقتاۋ ۆيتسە-ءمينيسترى ولجاس ابىشەۆ كوروناۆيرۋس جۇقتىرعان ازاماتتارمەن تىكەلەي بايلانىستا بولعان ازاماتتاردىڭ ۇيلەرى بەلگىلەنگەن كارتانىڭ نە ءۇشىن كەرەكتىگىن ءتۇسىندىرىپ بەردى، دەپ حابارلايدى قازاقپارات ءتىلشىسى.

ايتا كەتەيىك، 22-ناۋرىزدا eGov.kz ەلەكتروندىق ۇكىمەت پورتالىندا ەلىمىزدە كوروناۆيرۋستىڭ تارالۋىن، ونىڭ ىشىندە حالىق ءۇشىن قاۋىپتى ايماقتاردى كورسەتەتىن كارتا پايدا بولعان ەدى. ولجاس ابىشيەۆ بۇل كارتانىڭ نە ءۇشىن جاسالعانىن ايتتى.

«ءبىز وسى كارتانى ۇلتتىق اقپاراتتىق تەحنولوگيالار ورتالىعىمەن جانە تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسە وتىرىپ ىسكە قوستىق. جوبا الدىندا الەمنىڭ قىتاي، سينگاپۋر، كورەيا سەكىلدى ەلدەرىنىڭ تاجىريبەسىن زەرتتەدىك. ول ەلدەر كوروناۆيرۋستىڭ تارالۋىن تولىعىمەن توقتاتىپ، جاعدايدى باقىلاۋدا ۇستاپ وتىر. ونىڭ ءبىرىنشى سەبەبى - اتالعان مەملەكەتتەر ازاماتتاردىڭ ۇيالى تەلەفوندارى ارقىلى قاي جەردە ورنالاسقانىن ەلەكتروندى تۇردە باقىلاۋ ارقىلى قول جەتكىزدى. حالىقتىڭ قاۋىپسىزدىگى ءۇشىن ءبىز وسى تاجىريبەنى ەلگە ەنگىزدىك. سەبەبى كوروناۆيرۋس ادامنان ادامعا عانا ەمەس، ۇستاعان تەلەفونى، ەسىكتىڭ تۇتقاسى نەمەسە ءليفتتىڭ باتىرماسى ارقىلى تاراي بەرەدى. اعاش نەمەسە سەمەنت بولسىن - 24 ساعاتقا دەيىن سول جەردە قالا بەرەدى»، - دەدى ولجاس ابىشەۆ دەنساۋلىق ساقتاۋ مينيسترلىگىنىڭ Facebook-پاراقشاسىندا شىققان سۇحباتىندا.

ياعني سول كارتادا كورسەتىلگەن ۇيگە بارساڭىز بايقاۋىڭىز كەرەك. دەنساۋلىق ساقتاۋ مينيسترلىگى ازاماتتارعا وسىلايشا الدىن الا حابارلاپ، كارتاداعى ۇيگە باراتىن بولسا، ابايلاۋ كەرەكتىگىن ەسكەرتەدى.

«كارتا ءار ساعات سايىن جاڭارىپ تۇرادى. بۇل كارتانى جاساۋعا 45 ادام جۇمىلدىرىلدى. ال ەگەر كارانتيندە بولعان ادام 14 كۇننەن كەيىن كارانتيننەن شىقسا كارتاداعى نۇكتە اۆتوماتتى تۇردە جويىلىپ كەتەدى»، - دەدى ول.
سوڭعى جاڭالىقتار