18:30, 04 - شىلدە 2022 | GMT +6
قىرعىزستاندا COVID-19 اۋرۋىنا شالدىققاندار سانى ءوسىپ كەلەدى
بىشكەك. قازاقپارات - قىرعىزستاندا كوروناۆيرۋس ينفنەتسياسىنا شالدىققاندار سانى ارتىپ كەلەدى، دەپ حابارلايدى قازاقپارات مەنشىكتى ءتىلشىسى ەلدىڭ كوروناۆيرۋسقا قارسى كۇرەس بويىنشا جەدەل شتابىنا سىلتەمە جاساپ.
قىرعىزستان رەسپۋبليكاسى اۋرۋدىڭ الدىن الۋ جانە مەملەكەتتىك سانيتارلىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، ەلدە ءبىر اپتادا كوروناۆيرۋستىڭ 48 جاعدايى تىركەلگەن. بۇل وتكەن اپتامەن سالىستىرعاندا 19 ادامعا كوپ. ونىڭ 9 جاعدايى رەسەيدەن، تۇركيادان، وزبەكستاننان، ا ق ش- تان اكەلگەندەر. 3 ەۋى اۋرۋحانادا جاتىر، ولاردىڭ جاعدايى ورتاشا اۋىر. بيلىك COVID-19-دان ءوزىن جانە تۋىستارىن قورعاۋدىڭ ەڭ سەنىمدى جانە ءتيىمدى ءادىسى ۆاكسينا سالدىرۋ ەكەنىن ەسكە سالادى.
قىرعىزستاندا پاندەميا باستالعالى بەرى 201 مىڭ 101 جاعداي تىركەلگەن. ەلدە ۆاكسينالاۋدىڭ تولىق كۋرسىنان 1322098 ادام وتكەن، ءبىرىنشى دوزاسىن 1571858 ادام سالدىرعان.