13:41, 28 - شىلدە 2021 | GMT +6
جاپونيادا COVID-19 جۇقتىرۋ بويىنشا انتيرەكورد تىركەلدى
نۇر- سۇلتان. قازاقپارات - جاپونيادا COVID-19 جۇقتىرۋدىڭ جاڭا جاعدايلارى بويىنشا انتيرەكورد تىركەلدى،
دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.
ىندەتكە شالدىققان ناۋقاستاردىڭ كۇندەلىكتى ءوسۋى 7000 ادامنان استى. جۇقپالى اۋرۋلار جونىندەگى ساراپشىلار «دەلتا» شتامى كوروناۆيرۋس ەپيداحۋالىن كۇرت كۇردەلەندىرىپ جىبەرۋى مۇمكىن جانە ينفەكسيانىڭ ءورشۋ شىڭى تامىز ايىنىڭ باسىندا بولادى دەپ ەسكەرتتى.
سونىمەن قاتار وليمپيادا ويىندارىن ۇيىمداستىرۋ كوميتەتى ينفەكسيا جۇقتىرۋدىڭ تاعى جەتى جاعدايىنىڭ تىركەلگەندىگى تۋرالى حابارلادى، ونىڭ ىشىندە ەكى سپورتشى بار، قاتىسۋشىلار اراسىندا ۆيرۋس جۇقتىرعانداردىڭ جالپى سانى 155 ادامدى قۇرايدى.