COVID-19-عا قارسى ۆاكسينا الماعاندارعا جۇمىسقا شىعۋعا تىيىم سالىنادى

None
None
ەر-رياد. قازاقپارات - ساۋد ارابياسىندا ءار ادام جۇمىس ورنىنا بارۋى ءۇشىن كوروناۆيرۋس ينفەكتسياسىنا قارسى ۆاكسينا العان بولۋى مىندەتتى.

بۇل تۋرالى وسى ەلدىڭ كادرلار جانە الەۋمەتتىك دامۋ مينيسترلىگىنىڭ رەسمي سايتىندا ايتىلعان، دەپ حابارلايدى قازاقپارات The Economic Times اگەنتتىگىنە سىلتەمە جاساپ.

ۆاكتسينا الماعان ادام ءوز جۇمىس ورنىنا جىبەرىلمەيدى. ەل بيلىگى جۇمىس بەرۋشىلەردى ۆاكتسينالاۋ پروتسەسىنە دايىنداۋدى تاپسىردى.

«قىزمەتكەرلەر ءوز جۇمىس ورنىنا بارا الۋى ءۇشىن كوروناۆيرۋس ينفەكتسياسىنا قارسى ۆاكتسينا العان بولۋى مىندەتتى. بۇل — مەملەكەتتىك، جەكە جانە كوممەرتسيالىق ەمەس ۇيىمدارعا دا ورتاق تالاپ»؟ - دەلىنگەن حابارلامادا.

ىندەت باستالعالى ساۋد ارابياسىندا 423000 ادامنان كۆي انىقتالدى. 7000 نان استام ادام بۇل دەرتتەن قازا تاپتى.

ايتا كەتەيىك، بۇعان دەيىن ەل بيلىگى كوروناۆيرۋسقا قارسى ۆاكسينا العان ادامدارعا قاجىلىق پارىزىن وتەۋ ءۇشىن كەلۋگە رۇقسات بەرەتىنى جايلى حابارلاعان بولاتىنبىز.

سوڭعى جاڭالىقتار