+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

ءبىر اپتادا COVID-19 دان قايتىس بولعاندار سانى رەكوردتىق كورسەتكىشكە جەتتى

20 قاڭتار 13:49
:ءبولىسۋ
ءبىر اپتادا COVID-19 دان قايتىس بولعاندار سانى رەكوردتىق كورسەتكىشكە جەتتى

جەنەۆا. قازاقپارات - دۇنيەجۇزىلىك دەنساۋلىق ساقتاۋ ۇيىمى (د د ۇ) الەمدە ءبىر اپتادا كوروناۆيرۋس ينفەكسياسىنان كوز جۇمعاندار سانى رەكوردتىق كورسەتكىشكە جەتكەنىن مالىمدەدى، دەپ حابارلايدى قازاقپارات د د ۇ رەسمي سايتىنا سىلتەمە جاساپ.

د د ۇ اپتالىق ەپيدەميولوگيالىق بيۋللەتەنىنە سايكەس، وتكەن اپتادا، 11-17 قاڭتار ارالىعىندا كوروناۆيرۋستان 93882 ادام قايتىس بولعان. بۇل پاندەميا باستالعالى تىركەلگەن ەڭ جوعارى كورسەتكىش.

وتكەن اپتامەن سالىستىرعاندا COVID-19-دان بولعان ءولىم %9 عا ارتتى. جالپى الەمدە كوروناۆيرۋس جۇقتىرعاندار سانى 2014957 گە جەتتى. وتكەن اپتادا ءولىم دەڭگەيى باتىس- تىنىقمۇحيت ايماعىندا %35 عا ءوسىپ، ەڭ جوعارى كورسەتكىشتى كورسەتسە، ەڭ تومەنگى %2 دىق كورسەتكىش شىعىس- جەرورتا تەڭىزى ايماعىندا تىركەلگەن. ءبىر اپتادا COVID-19-دان بولعان ەڭ كوپ ءولىم امەريكادا تىركەلدى - 43804. ىندەتتىڭ تارالۋىنا كەلەر بولساق، د د ۇ بيۋللەتەنىندە امەريكا، ەۋروپا جانە وڭتۇستىك- شىعىس ازيادا جۇقتىرعاندار سانى ازايعانى، ال باتىس- تىنىقمۇحيت ايماعىندا، كەرىسىنشە كوبەيگەنى حابارلانعان.

ۆيرۋسقا شالدىققاندار ەۋروپادا %15 عا تومەندەگەن، ال جاڭا جۇقتىرۋ وقيعالارى باتىس- تىنىقمۇحيت ايماعىندا %14 عا كوبەيگەن. ەڭ كوپ كوروناۆيرۋس جۇقتىرۋ وقيعاسى امەريكادا تىركەلدى - 2467817 ادام. ودان كەيىنگى ورىندا 1610353 جاڭا كوروناۆيرۋس جاعدايىمەن ەۋروپا تۇر. ءۇشىنشى ورىندا وڭتۇستىك- شىعىس ازيا، وندا 204654 جاڭا جۇقتىرۋ وقيعاسى تىركەلدى. جالپى، د د ۇ مالىمەتىنشە، وتكەن اپتادا الەمدە 4725029 ادام ينفەكسيا جۇقتىرعان.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات