د د ۇ شەكارادان وتكەن كەزدە COVID-19 ۆاكتسيناتسياسىن تالاپ ەتۋ مىندەتتى ەمەس دەپ سانايدى

None
None
جەنەۆا. قازاقپارات - دۇنيەجۇزىلىك دەنساۋلىق ساقتاۋ ۇيىمى (د س ۇ) ديرەكتورى شاقىرعان توتەنشە جاعدايلار كوميتەتى شەكارادان وتكەن كەزدە COVID-19 ۆاكتسيناتسياسى تۋرالى سەرتيفيكاتتى تالاپ ەتۋ مىندەتتى ەمەس ەكەندىگىن ءمالىم ەتتى.

سەبەبى ۆاكسينالار بارلىعىنا بىردەي قولجەتىمسىز جانە ولاردىڭ ينفەكتسيانىڭ تارالۋىن بولدىرماۋداعى تيىمدىلىگى دالەلدەنبەگەن. ونىڭ تەك اۋرۋدىڭ اسقىنۋىنان قورعايتىندىعى بەلگىلى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.

كوميتەت سونىمەن قاتار كوروناۆيرۋستىڭ جاڭا شتاممىنا قاتىستى ۇسىنىستار جاسادى: ساراپشىلار ەلدەردىڭ ۆيرۋستىڭ گەنومدارىن رەتكە كەلتىرۋ سالاسىنداعى مۇمكىندىكتەرىن كەڭەيتۋگە، ياعني مۋتاتسيانى انىقتاۋعا جول اشاتىن پروتسەدۋرا، سونداي-اق ءتۇرلى ەلدەردىڭ عالىمدارى اراسىندا بەلسەندى اقپارات الماسۋدى جولعا قويۋ.

د د ۇ- دا بۇرىن حابارلانعانداي، ۆاكتسينالار Covid-19-تىڭ اسقىنۋىنان قورعايدى، ءبىراق ۆاكتسينا العان ادامنىڭ مۇلدەم جۇقتىرمايتىندىعى جانە اۋرۋدى باسقالارعا جۇقتىرمايتىندىعى ءالى دالەلدەنگەن جوق.

عالىمداردىڭ قولىندا بار مالىمەتتەر وتە شەكتەۋلى. سوندىقتان كوميتەت مۇشەلەرى شەكارادان وتكەن كەزدە «ۆاكتسيناتسيا تۋرالى ءتولقۇجات» تالاپ ەتۋ قاجەت ەمەس دەيدى.

«بىزدە بۇل داۋىلدان امان قالۋدىڭ ءبىر جولى بار: ءبىز قولىمىزداعى قاراجاتتى ءبىر-بىرىمىزبەن ءبولىسۋىمىز كەرەك جانە ولاردى بىرگە پايدالانۋ مىندەتتەمەسىن ۇستانۋىمىز قاجەت»، - دەدى د د ۇ باس ديرەكتورى تەدروس گەبرەيۋس بريفينگتە سويلەگەن سوزىندە.

سوڭعى جاڭالىقتار