+7 (701) 759 90 19
3 °С : نۇر-سۇلتان
6 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقستاندا COVID-19 دان ۆاكتسيناتسيالاۋعا جاتاتىن توپتار انىقتالىپ، شىعىندار ەسەپتەلەدى

4 تامىز 20:46
:ءبولىسۋ
قازاقستاندا COVID-19 دان ۆاكتسيناتسيالاۋعا جاتاتىن توپتار انىقتالىپ، شىعىندار ەسەپتەلەدى

نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا ءبىرقاتار ماڭىزدى ماسەلەلەر قارالدى، دەپ حابارلايدى قازاقپارات primeminister.kz-كە سىلتەمە جاساپ.

كوروناۆيرۋسقا قارسى قازاقستاندىق ۆاكتسينا سىناقتان ءساتتى وتكىزىلۋدە دەنساۋلىق ساقتاۋ، سىرتقى ىستەر مينيسترلىكتەرى COVID-19 ۆاكتسيناسىن ساتىپ الۋعا الدىن- الا كەلىسىمشارتتار جاساسۋ بويىنشا جۇرگىزىلىپ جاتقان جۇمىستار تۋرالى باياندادى. پرەمەر- ءمينيستردىڭ ورىنباسارى مەملەكەتتىك ورگاندارعا ۆاكتسيناتسيالاۋعا جاتاتىن توپتاردى انىقتاۋدى، شىعىندار بويىنشا قاجەتتى ەسەپتەۋلەر جۇرگىزۋدى، سونداي- اق COVID-19-دان ەگىلۋگە رۇقسات بەرىلەتىن ۇمىتكەر ۆاكتسينالار كەشەنىنە قول جەتكىزۋگە مۇمكىندىك بەرەتىن «COVAX Facility» باعدارلاماسىنا قازاقستاننىڭ قاتىسۋ مۇمكىندىگىنە تالداۋ جاساۋدى تاپسىردى.

كوروناۆيرۋس ينفەكتسياسىنا قارسى وتاندىق ۆاكتسينانى ازىرلەۋدى جەدەلدەتۋ، سونداي- اق جىل سوڭىنا دەيىن جامبىل وبلىسىنداعى ق ر ب ع م بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى جانىنان ۆاكتسينالار وندىرەتىن بيوفارماتسيەۆتيكالىق زاۋىتتى ىسكە قوسۋ قاجەتتىلىگى ەرەكشە اتالىپ ءوتتى.

سونداي- اق، ە. توعجانوۆ وڭىرلەردىڭ اكىمدىكتەرىنە جانە مينيسترلىكتەرگە COVID-19-عا قارسى كۇرەسكە تارتىلعان مەديتسينا قىزمەتكەرلەرىنە ءتيىستى ۇستەمەاقى مەن وتەماقىنى ۋاقىتىلى تولەۋدى قامتاماسىز ەتۋدى تاپسىردى. وتىرىستا «سق- فارماتسيا» ج ش س باسشىلىعىنىڭ ەسەبى تىڭدالدى، وندا ستاتسيونارلارداعى دارىلىك زاتتاردىڭ ءبىر ايلىق قورى تۋرالى باياندالدى. پرەمەر- ءمينيستردىڭ ورىنباسارى COVID-19 ەمدەۋ ءۇشىن ەكى ايلىق ءدارى- دارمەك قورىن قامتاماسىز ەتۋدى، سونداي- اق ازاماتتاردى ۇيدە ەمدەۋ ءۇشىن قاجەتتى قور قۇرۋدى تاپسىردى. كەڭەس قورىتىندىسى بويىنشا ە. توعجانوۆ ءبىرقاتار ناقتى تاپسىرمالار بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات