ەلورداداعى پسيحيكالىق دەنساۋلىق ورتالىعىنان COVID-19 دان سوڭعى ناۋقاس ەمدەلىپ شىقتى

None
None
نۇر- سۇلتان. قازاقپارات - بۇگىن قالالىق پسيحيكالىق دەنساۋلىق ورتالىعىنىڭ (ق پ د و) بازاسىندا ورنالاسقان ينفەكتسيالىق ستاتسيوناردان كوروناۆيرۋس ينفەكتسياسى دياگنوزى قويىلعان سوڭعى ناۋقاس ەمدەلىپ شىقتى، دەپ حابارلايدى ەلوردا اكىمدىگىنىڭ رەسمي سايتى.

15- ماۋسىمنان باستاپ بۇل ورتالىق COVID-19 بار ناۋقاستارعا ارنالعان جۇقپالى اۋرۋلار ستاتسيونارى بولىپ وزگەرتىلدى. ءبىر جارىم اي ىشىندە مۇندا 1044 ناۋقاس ەمدەلدى.

«بۇگىن سوڭعى پاتسيەنت ەمدەلىپ شىقتى. ءبارىمىز تاۋلىك بويى جۇمىس ىستەدىك. اتاپ ايتقاندا، پروۆيزور مەليسسا سامەيەۆا ءبارىن ءدارى- دارمەكتەرمەن قامتاماسىز ەتتى، مەنىڭ ورىنباسارىم لاريسا گوم، باس مەدبيكە گۇلنار التىنبەكوۆا الدىڭعى قاتاردا جۇمىس ىستەدى. توسەك- ورىنداردى قايتا بەيىمدەۋ، رەانيماتسيانى ورنالاستىرۋ العاشىندا قيىندىق تۋدىرسا دا، ءبىز ونىڭ ءبارىن ەڭسەردىك. بىزدە ايناگۇل جامبۋرچينوۆا، سالتانات مۋسينا سەكىلدى بىلىكتى دارىگەرلەر جۇمىس ىستەدى. ءوز كومانداما جوعارى بىلىكتىلىك تانىتقانى ءۇشىن العىس بىلدىرگىم كەلەدى. ءبىز قولدان كەلگەننىڭ ءبارىن جاسادىق» - دەيدى قالالىق پسيحيكالىق دەنساۋلىق ورتالىعى ديرەكتورىنىڭ مىندەتىن اتقارۋشى ولگا كوماروۆا.


58 جاستاعى ءۋاليحان ەمحاناداعى COVID-19-دى جەڭگەن ەڭ سوڭعى ناۋقاس.

«ورتالىق قىزمەتكەرلەرىنە العىس بىلدىرگىم كەلەدى. مۇندا 14- شىلدەدە ءتۇسىپ، بۇگىن ەمدەلىپ شىققالى جاتىرمىن. ەمنىڭ بارلىق كەزەڭىندە ورتالىق قىزمەتكەرلەرى ۇلكەن قامقورلىق كورسەتتى. ءدارى- دارمەكتەر مەن قاجەتتىنىڭ بارىمەن قامتاماسىز ەتتى. دارىلەر تيىمدىلىك كورسەتىپ، العاشقى كۇندەردەن- اق ناتيجە بەردى. جاعدايىم تەك جاقسارا ءتۇستى. تاماعى دا وتە جاقسى. بارلىعىنا، مەدبيكەلەرگە، دارىگەرلەرگە، ۇجىمنىڭ بارلىعىنا كوپ راحمەت» ، - دەيدى ول.

27 - شىلدەدەگى جاعداي بويىنشا، نۇر- سۇلتاندا كوروناۆيرۋس جۇقتىرعان 10070 ناۋقاس تىركەلدى. ولاردىڭ 6766 سى ەمدەلىپ شىقتى. ولگا كوماروۆانىڭ ايتۋىنشا، دەزينفەكتسيادان كەيىن پسيحيكالىق دەنساۋلىق ورتالىعى جاقىندا ءوزىنىڭ بۇرىنعى پروفيلىنە سايكەس جۇمىسىن قايتا باستايدى.


سوڭعى جاڭالىقتار