+7 (701) 759 90 19
16 °С : نۇر-سۇلتان
24 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

د د س ۇ باسشىسى: مەملەكەتتەر COVID-19 ۆيرۋسىن انىقتايتىن 120 ميلليون ەكسپرەسس- تەست الادى

29 قىركۇيەك 11:54
:ءبولىسۋ
د د س ۇ باسشىسى: مەملەكەتتەر COVID-19 ۆيرۋسىن انىقتايتىن 120 ميلليون ەكسپرەسس- تەست الادى

نۇر-سۇلتان. قازاقپارات - الداعى جارتى جىلدا تابىسى تومەن جانە ورتاشا ەلدەر ۆيرۋستى تەكسەرەتىن 120 ميلليون قولجەتىمدى، ساپالى جانە جىلدام ەكسپرەسس-تەست الادى، دەپ حابارلايدى قازاقپارات news.un.org-كە سىلتەمە جاساپ.

بۇل تۋرالى بۇگىن ارنايى بريفينگ بارىسىندا دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس مالىمدەدى.

«COVID-19 ۆيرۋسىن نەعۇرلىم تەز انىقتاساق، قاۋىپتى ۆيرۋستى جۇقتىرعان ادامداردى وقشاۋلاۋ جانە ەمدەۋ شارالارىن سوعۇرلىم تەز قابىلدايمىز»، - دەدى ول.

د د س ۇ باسشىسىنىڭ ايتۋىنشا، تەستىلەۋدىڭ جاڭا ادىستەمەسى شامامەن 15-20 مينۋت ىشىندە سەنىمدى قورىتىندى الۋعا مۇمكىندىك بەرەدى. بۇل رەتتە جاڭا تەستتىڭ باعاسى ارزانىراق جانە كۇردەلى تەحنيكالىق جابدىقتىڭ بولۋىن قاجەت ەتپەيدى.

«بۇل تەستىلەۋدى مەديتسينالىق زەرتحانالارى مەن دايىن ماماندارى جوق اۋدانداردا كەڭەيتۋگە جول اشادى»، - دەپ اتاپ ءوتتى تەدروس ادحانوم گەبرەيەسۋس.

قازىرگى كەزدە ءبىر ەكسپرەسس-تەستتىڭ باعاسى شامامەن بەس ا ق ش دوللارىن قۇرايدى. بۇل بۇعان دەيىن شىعارىلعان تەستىلەردەن الدەقايدا ارزان. د د س ۇ الداعى ۋاقىتتا باعا ودان ءالى دە تومەندەيدى دەگەن بولجام جاساپ وتىر.

د د س ۇ باسشىسى 120 ميلليون تەستىنى جەتكىزۋ تۋرالى كەلىسىمگە ءوندىرۋشى كومپانيالار مەن بيلل جانە مەليندا گەيتس قورى قول قويعانىن مالىمدەدى.

«رەسمي تۇردە راستالعان كەلىسىم بار، جوبا قارجىلاندىرۋ باستالدى، ەندى بۇل تەستىلەردى تولىق كولەمدە ساتىپ الۋعا قاجەتتى سومانى جيناۋ كەرەك»، - دەدى ول.

اۆتور: زارينا تۋعانبايەۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات