قازاقستانعا قىتايلىق CoronaVac ۆاكسيناسىنىڭ العاشقى پارتياسى جەتكىزىلدى
پرەپەراتتى قىتايلىق Sinovac Biotech Ltd بيوفارماتسيەۆتيكا كومپانياسى وندىرگەن. ول ارنايى بورتپەن جەتكىزىلدى. بۇل - الداعى كۇندەرى ق ر ازاماتتارىنا كوروناۆيرۋس ينفەكتسياسىنا قارسى ۆاكسيناتسيا ءۇشىن قولدانىلاتىن ءتورتىنشى پرەپارات بولماق.
«ءبىز ەكى ەلدىڭ ۋاعدالاستىعى ارقاسىندا باعا جەتپەس جۇك الدىق. بۇل ۆاكسينا قازاقستانداعى جاعدايدى تۇراقتاندىرۋعا جانە ودان ءارى جاقسارتۋعا قىزمەت ەتەدى. پرەپارات ەرتەڭ الماتىنىڭ ەگۋ پۋنكتىلەرىندە قولجەتىمدى بولادى جانە ۇجىمدىق يممۋنيتەتتى قالىپتاستىرۋعا كومەكتەسەدى. بۇگىندە الماتىدا 300 مىڭنان استام ادامعا ەكپە سالىندى. ءبىز قالا تۇرعىندارىن ءوزىنىڭ جانە جاقىندارىنىڭ دەنساۋلىعىنا بايىپتى قاراۋعا شاقىرامىز، ۆاكسينا - بۇگىندە كوروناۆيرۋس ينفەكتسياسىنىڭ الدىن الۋدىڭ ەڭ ءتيىمدى قۇرالى»، - دەدى قالانىڭ باس سانيتار دارىگەرى جانداربەك بەكشين.
CoronaVac ۆاكتسيناسىن قازاقستان اۋماعىندا قولدانۋعا ق ر دەنساۋلىق ساقتاۋ مينيسترلىگى ماقۇلدادى جانە ەلدە قولدانىلىپ جۇرگەن QazVac، «سپۋتنيك V» جانە Hayat Vax ۆاكتسينالارىنىڭ تىزبەسىن تولىقتىرادى.
سونىمەن قاتار ق ر س ءى م الماتى قالاسىنداعى وكىلدىگىنىڭ باسشىسى اسقار شوقىبايەۆ ق ح ر- دان CoronaVac ۆاكسيناسىن جەتكىزۋ تۋرالى ۋاعدالاستىقتى ىسكە اسىرۋ COVID-19 پاندەمياسىنا بىرلەسىپ قارسى تۇرۋدا قىتايلىق ارىپتەستەرمەن باستالعان ىنتىماقتاستىقتى تابىستى جالعاستىرۋدىڭ مىسالى رەتىندە قاراستىرىلاتىنىن ايتتى.
حابارلانعانداي، كەلىپ تۇسكەن ۆاكسينا پارتياسى قولدانىستاعى قازاقستاندىق جانە رەسەيلىك ۆاكسينالارمەن قاتار ەلىمىزدىڭ بارلىق ەگۋ پۋنكتىلەرىندە قولجەتىمدى بولادى.
