بۇكىل الەمگە تانىمال Cirque du Soleil پاندەمياعا بايلانىستى بانكروتقا ۇشىرادى

مونرەال. قازاقپارات - بىرەگەي سيرك شوۋىمەن بۇكىل الەمگە تانىمال Cirque du Soleil بانكروتقا ۇشىراعانىن جاريالادى.

بۇل تۋرالى Cirque du Soleil Entertainment Group كومپانياسىنىڭ رەسمي سايتىندا جازىلدى، دەپ حابارلايدى قازاقپارات.

باس كەڭسەسى كانادانىڭ مونرەال قالاسىندا ورنالاسقان سيرك 1 ميلليارد ا ق ش دوللارىنان اساتىن قارىزىن جابا الماي وتىر.

«سوڭعى ايلاردا كوروناۆيرۋس پاندەمياسىنا بايلانىستى سيركتىڭ بارلىق شوۋلارى جابىلىپ، ەشقانداي تابىس تۇسپەدى»، - دەيدى Cirque du Soleil Entertainment Group باسشىسى دانيەل لامارر.

CNN مالىمەتىنشە، كومپانيا باسشىلىعى سوڭعى 36 جىل بويى جۇمىس ىستەپ كەلە جاتقان سيرك پەن ونىڭ قىزمەتكەرلەرىنىڭ بولاشاعىن ساقتاپ قالۋ ءۇشىن بارىن سالىپ جاتىر. سيرك جابىلىپ قالماۋ ءۇشىن قىزمەتكەرلەردىڭ %95 نەمەسە 3,5 مىڭ ادام جۇمىستان بوساتىلماق.

قىسقارتىلعان قىزمەتكەرلەردى قولداۋ ءۇشىن 15 ميلليون دوللار بولىنەدى.

كومپانيانىڭ مالىمدەۋىنشە، قىسقارتۋ - ۋاقىتشا شارا. سيرك شوۋلار مەن گاسترولدىك ساپارلاردى باستاعاننان كەيىن ولاردىڭ باسىم بولىگى قايتا جۇمىسقا قابىلدانادى. سونداي-اق، كومپانيا دايىندالعان بيزنەس-جوسپارعا سايكەس قايتا قۇرىلىمداۋعا 300 ميلليون سالۋدى جوسپارلاپ وتىر.