اسقار مامين Chevron باسشىلىعىمەن كەزدەستى
«شيەۆرون» — تەڭىز (%50)، قاراشىعاناق (%18) جانە كاسپي قۇبىر كونسورتسيۋمى (%15) - ءۇش ءىرى جوبادا اكتيۆتەرى بار قازاقستانداعى ءىرى شەتەلدىك ينۆەستور.
2020 -جىلى ت ش و شيكى مۇناي ءوندىرۋ كولەمى 26,5 ميلليون توننانى قۇرادى. مەملەكەتكە تىكەلەي قارجىلىق تولەمدەر $6,6 ميلليارد قۇرادى، $3,5 ميلليارد استام سوماعا قازاقستاندىق جەتكىزۋشىلەردىڭ تاۋارلارى مەن قىزمەتتەرى ساتىپ الىندى. ت ش و گازى اتىراۋ وبلىسىندا پوليپروپيلەن (قۋاتى جىلىنا 500 مىڭ توننا) جانە پوليەتيلەن (جىلىنا 1,25 ملن توننا) ءوندىرىسى بويىنشا ەكى ءىرى گاز- حيميا جوباسى ءۇشىن شيكىزات بولىپ تابىلادى. تاراپتار «تەڭىزشيەۆرويل» (ت ش و) بولاشاق كەڭەيتۋ جوباسىن ىسكە اسىرۋ ماسەلەسىن تالقىلادى، ونىڭ اياقتالۋى بويىنشا ت ش و ءوندىرۋدى 2023 -جىلى جىلىنا 12 ميلليون تونناعا دەيىن ارتتىرادى، بۇل جيىنتىعىندا جىلىنا شامامەن 39 ملن توننانى قۇرايدى. كەزدەسۋگە ەنەرگەتيكا ءمينيسترى نۇرلان نوعايەۆ پەن «قازمۇنايگاز» ۇ ك» ا ق باسقارما ءتوراعاسى اليك ايداربايەۆ قاتىستى.