دميتري بالاندين قىتايداعى Champions Swim Series تۋرنيرىنىڭ ەكىنشى ماۋسىمىنا قاتىسادى

نۇر-سۇلتان. قازاقپارات - 14-16- قاڭتار كۇندەرى قىتايدىڭ شنجىن قالاسىندا حالىقارالىق سۋ سپورتى تۇرلەرى فەدەراتسياسىنىڭ ۇيىمداستىرۋىمەن Champions Swim Series تۋرنيرىنىڭ ەكىنشى ماۋسىمى باستالادى.
تۋرنيرگە قاتىسۋشىلار اراسىندا وليمپيادا چەمپيونى دميتري بالاندين دە بار، دەپ حابارلايدى Olympic.kz-كە سىلتەمە جاساپ قازاقپارات.
جارىسقا قاتىسۋشىلار قاتارىندا وليمپيادا چەمپيوندارى، الەم چەمپيوندارى مەن رەكوردشىلار جانە وتكەن جىلعى FINA رەيتينگىندەگى ۇزدىكتەر بار.
2016-جىلعى ريو وليمپياداسىنان سوڭ تانىمال بولعان دميتري بالاندين دە ەليتا قاتارىنا ەندى. قازاقستاندىق سپورتشى 200 مەترگە براسس ادىسىمەن جۇزۋدەن سىنعا تۇسەدى. بۇل قاشىقتىقتا 2015-جىلعى الەم چەمپيونى ماركۋس كوح (گەرمانيا)، ەۋروپا چەمپيونى ارنو كاممينگا (نيدەرلاند) جانە وليمپيادا ويىندارىنىڭ كۇمىس جۇلدەگەرى دجون پەرنو باق سىنايدى. 200 مەترگە براسس ادىسىمەن جۇزۋدەن باسەكە 15- قاڭتارعا جوسپارلانعان.
تۋرنيرگە جالپى ەسەبى 26 مەملەكەتتەن 70 سپورتشى قاتىسادى.
ايتا كەتەلىك، «Champions Swim Series» تۋرنيرىنىڭ ءبىرىنشى ماۋسىمىندا بالاندين 2020-جىلعى وليمپيادا ويىندارىنا جولداما العان بولاتىن.
- شەتەلگە شىعۋعا مۇمكىندىك بەرۋدى سۇرايمىن - قۋات حاميتوۆ سوتتا سوڭعى ءسوزىن ايتتى
- قازاقستان قورجىنىندا وليمپيادانىڭ قانشا جولداماسى بار؟
- فۋتبولدان جاس وسپىرىمدەر ليگاسى: «قايرات» جاستارىنىڭ قارسىلاسى بەلگىلى بولدى
- بەيبىت شۇمەنوۆ چەمپيوندىق جەكپە-جەكتەن باس تارتتى
-
قازاقستان اۋىر اتلەتيكا فەدەراتسياسى نيدجات راحيموۆتى قورعاۋ ءۇشىن زاڭگەر ىزدەپ جاتىر
-
فۋتزال: «قايرات» ويىنشىسى 2020-جىلعى الەمنىڭ ۇزدىك قاقپاشىسى اتاندى


