«C5+1» جوعارى دەڭگەيدەگى كەزدەسۋى بەينەكونفەرەنتسيا فورماتىندا ءوتتى

نۇر-سۇلتان. قازاقپارات - «C5+1» - ءدىڭ جوعارى دەڭگەيدەگى كەزدەسۋ بەينەكونفەرەنتسيا فورماتىندا ءوتتى، دەپ حابارلايدى ق ر سىرتقى ىستەر مينيسترلىگىنىڭ باسپا ءسوز قىزمەتى.

جيىنعا قازاقستاننىڭ سىرتقى ىستەر ءمينيسترى مۇحتار تىلەۋبەردى، قىرعىزستاننان - چينگيز ايداربەكوۆ، تاجىكستاننان - سيرودجيددين مۋحريددين، تۇرىكمەنستاننان - راشيد مەرەدوۆ، وزبەكستاننان - ابدۋلازيز كاميلوۆ، ا ق ش مەملەكەتتىك حاتشىسى مايك پومپەو جانە ونىڭ ورىنباسارى دەۆيد حەيل قاتىستى.

بەينەكونفەرەنتسياعا قاتىسۋشىلار ساۋدا-ەكونوميكالىق بايلانىستاردى كەڭەيتۋ جولدارى مەن جوسپارلارىن، سونداي-اق COVID-19 پاندەمياسىنىڭ تارالۋى كەزىندەگى شاقىرۋلارعا جاۋاپ بەرۋ بويىنشا بىرلەسكەن كۇشتەردى تالقىلادى.

ءىس-شارا بارىسىندا تاراپتار اۋعانستان يسلام رەسپۋبليكاسىندا بەيبىتشىلىك پەن تۇراقتىلىقتى قامتاماسىز ەتۋدى قولداۋ جونىندەگى كۇش-جىگەردى تالقىلادى.

م. تىلەۋبەردى جاھاندىق كۇيزەلىستەرگە قاراماستان، پلاتفورما ورتالىق ازيا مەن ا ق ش اراسىنداعى ەكونوميكالىق ىنتىماقتاستىقتى كەڭەيتۋگە، ترانزيتتىك جانە كولىكتىك الەۋەتتى دامىتۋدا تەحنولوگيالار مەن ساراپتامالىق كومەك تارتۋعا، قورشاعان ورتانى ساقتاۋعا جانە ايماقتىق قاۋىپسىزدىكتى نىعايتۋعا ارنالعان ءتيىمدى الاڭ بولىپ قالا بەرەتىنىن اتاپ ءوتتى.

قازاقستان سىرتقى ساياسي ۆەدومستۆوسىنىڭ باسشىسى ورتالىق ازياعا ا ق ش ينۆەستيتسيالارى مەن تەحنولوگيالارىن تارتۋ جانە ول ءۇشىن «استانا» حالىقارالىق قارجى ورتالىعىنىڭ الاڭىن قولدانۋ بويىنشا «C5+1» ديالوگى اياسىنداعى جۇمىستى جالعاستىرۋدىڭ ماڭىزدىلىعىن اتاپ ءوتتى.

تاراپتار وڭىرلىك ماسەلەلەردى بىرلەسىپ شەشۋ ءۇشىن ءوزارا ىقپالداستىقتى بەلسەندەتۋگە نيەت ءبىلدىردى.

«C5+1» فورماتى 2015-جىلدان باستاپ جۇمىس ىستەيدى جانە ورتالىق ازيانىڭ بەس ەلى مەن امەريكا قۇراما شتاتتارىنىڭ ءوزارا ارەكەتتەسۋىنىڭ كوپجاقتى مەحانيزمى بولىپ تابىلادى.