Brent ماركالى مۇنايدىڭ باعاسى 115 دوللاردان استى

نۇر- سۇلتان. قازاقپارات - بيىلعى جىلدىڭ 17-مامىرىندا Brent ماركالى مۇناي فيۋچەرستەرىنىڭ باعاسى ساۋىردەگى باعامەن سالىستىرعاندا (باررەلىنە $104,58) %9,1 ءوسىپ، باررەلىنە 115,05 دوللاردى قۇرادى، دەپ حابارلايدى قازاقپارات Investing سايتىنا سىلتەمە جاساپ.

سونىمەن قاتار، بيىل مۇنايدىڭ بۇل ءتۇرى قۇنىنىڭ ەڭ جوعارى كورسەتكىشى 2022 -جىلدىڭ 8-ناۋرىزىندا باررەلىنە 127 دوللار بولعان.

Brent مۇنايى لوندوننىڭ ICE فيۋچەرستىك بيرجاسى ارقىلى الەمدىك نارىقتا ەلەكتروندى تۇردە ساتىلاتىن شيكى مۇنايدىڭ الەمدىك جەتكىزىلىمىنىڭ جارتىسىنان كوبىن قۇرايدى جانە الەم بويىنشا مۇناي ساتىپ الۋ ءۇشىن بازالىق باعا رەتىندە قىزمەت ەتەدى.

سولتۇستىك تەڭىزدەن وندىرىلەتىن Brent ماركالى مۇناي سونداي- اق London Brent, North Sea Oil, Brent Blend جانە Brent petroleum اتاۋلارىمەن بەلگىلى.

بۇل - WTI- دان ءسال اۋىر جانە كۇكىرتى از، ديزەلدى، بەنزيندى وڭدەۋگە وتە ىڭعايلى جەڭىل شيكى مۇناي ماركاسى.