ەڭسەڭ تۇسپەسىن، الاشىم: يبراگيم ەسكەندىر #Birgemiz اكسياسىن انمەن ارلەدى
«قيىن-قىستاۋ زاماندا، نە بولماعان بۇل دالامدا» دەپ باستالاتىن ءان ارقىلى ءانشى اكسياعا ءۇن قوسىپ وتىر. «ەڭسەڭ تۇسپەسىن، الاشىم! تار جول، تايعاق كەشكەن ەلمىز عوي، سىن- ساعاتتا بىرلىكتە بولايىق. اللا ەلىمىزگە كەلگەن ىندەتتەن امان- ساۋ ءوتۋىمىزدى ءناسىپ ەتسىن! بىرگەمىز، قازاعىم»، - دەپ جازدى ءانشى Instagram پاراقشاسىندا.
ايتا كەتسەك، سىن ساعاتتا قولدان كەلگەن كومەگىن اياماعان ەلىمىزدەگى كاسىپكەرلەر مەن ۆولونتەرلەر #Birgemiz ۇندەۋىنە اتسالىسۋدا. ماسەلەن باتىس قازاقستان وبلىسى، جاستار ساياساتى جونىندەگى باسقارما جانىنان قۇرىلعان «اق جايىق جاستارى» ۆولونتەرلىك قوزعالىسى مەملەكەت باسشىسى ەلىمىزدە توتەنشە جاعداي جاريالاعاننان كەيىن حالىقتىڭ كومەككە مۇقتاج توبىنا كومەكتەسۋ تۋرالى شەشىم قابىلداعان. ال وسكەمەن قالاسىنداعى ۆولونتەرلەر قارتتار مەن مۇمكىندىگى شەكتەۋلى جاندارعا ازىق- تۇلىك پەن ءدارى-دارمەك جەتكىزۋمەن اينالىسۋدا.
ال قوستاناي وبلىسىندا امانگەلدى اۋدانى ورتالىعىنداعى 3 مەكتەپتىڭ 1981 -جىلعى تۇلەكتەرى از ۋاقىت ىشىندە اۋدانداعى 7 وتباسىعا جاقسىلىق جاسادى. ولار قايىرىمدىلىق ەستافەتاسىن امانگەلدى اۋدانىنىڭ 1980 -جىلى تۋىلعان تۇلەكتەرىنە جولداپ، ساۋاپتى شارا جالعاسىن تاپتى. ال اقمولا وبلىسىنىڭ جاستارى كوروناۆيرۋس ينفەك سياسى تارالۋىنىڭ الدىن الۋ ماقساتىندا جاڭا چەللەندج باستاپ كەتتى. تۇركىستان وبلىسىنىڭ ەرىكتىلەرى وڭىردە ساقتىق شارالارىن جۇرگىزۋگە قولعابىس ەتۋدە. تولەبي اۋدانىنداعى مەديتسينا كوللەدجىنىڭ ۆولونتەرلەرى 100 دانا مەديتسينالىق ماسكانى قولدان تىگىپ، كوپبالالى وتباسىلارعا بەرۋدە. جاستار سونداي-اق، قوعامدىق ورىنداردا ارنايى دايىندالعان جادىناما تاراتىپ ءجۇر. سونىمەن قاتار، ءتۇسىندىرۋ جۇمىستارىمەن دە اينالىسادى.
اۆتور: الما مۇقانوۆا