قازاقستانداعى Baby-boom: 1987 -جىلعى رەكورد جاڭارتىلدى
ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتىنشە، 2020 -جىلعى قاڭتار- جەلتوقسانداعى الدىن الا دەرەكتەر بويىنشا، ەلىمىزدە 425,6 مىڭ نارەستە دۇنيەگە كەلدى. بۇل 2019 -جىلدىڭ ءتيىستى كەزەڭىمەن سالىستىرعاندا 22,6 مىڭ ادامعا نەمەسە 5,6 پايىزعا جانە 1987 -جىلمەن سالىستىرعاندا 8,5 مىڭ ادامعا نەمەسە 2 پايىزعا (تۋعاندار سانى بويىنشا الدىڭعى رەكورد 417,1 مىڭ ادام بولعان) كوپ.
«ءوسىم دۇنيەگە كەلەتىن سابيلەردىڭ كۇتىلگەن سانىنان جوعارى بولدى. تولىقتاي العاندا، دەموگرافيالىق بولجامعا سايكەس، تۋۋ سانىنىڭ تومەندەۋى كۇتىلگەن ەدى. جالپى، وتباسىداعى ءۇشىنشى، ءتورتىنشى، بەسىنشى بالالاردىڭ سانى ارتىپ كەلەدى. بوساناتىن قىز- كەلىنشەكتەردىڭ نەگىزگى جاس توبى - 30-40 جاستىڭ ارالىعى. بۇل 80- جىلداردىڭ بۋىنى وزدەرىنىڭ رەپرودۋكتيۆتىلىك كەزەڭىن پايدالانۋىنا بايلانىستى»، - دەدى «بولاشاق» باعدارلاماسىنىڭ تۇلەگى، دەموگرافيا ماگيسترى اياۋلىم ساعىنبايەۆا.
2020 -جىلدىڭ 12-ايىندا قالالىق جەرلەردە تۋعاندار سانى - 248,7 مىڭ ادام نەمەسە 58,4 پايىز، اۋىلدىق جەرلەردە 176,9 مىڭ ادام نەمەسە 41,6 پايىز بولدى. دۇنيەگە كەلگەن سابيلەردىڭ جارتىسىنان كوبى ەلىمىزدىڭ 6 وبلىسىندا، اتاپ ايتقاندا، تۇركىستان (%14,4)، الماتى وبلىستارىندا (%12,7)، الماتى (%8,3)، شىمكەنت (%7,4)، نۇر- سۇلتان (%7) قالالارىندا جانە جامبىل وبلىسىندا (%6,9) تىركەلگەن.
«بالا تۋۋ ءوسىمىنىڭ قارقىنى كوپبالالى وتباسىلاردا بايقالادى. بالا تۋۋ كورسەتكىشى بويىنشا 1987 -جىلعى رەكورد جاڭارتىلدى. ول كەزدە 417 مىڭ ءسابي دۇنيە ەسىگىن اشقان بولاتىن»، - دەدى سپيكەر.
ونىڭ اتاپ وتۋىنشە، ءاربىر 35 جىل سايىن قازاقستاندا baby-boom بايقالادى.
«بىزدە ءاربىر 35 جىلدان كەيىن baby-boom بايقالادى دەسەك تە بولادى. جيىنتىق كوەففيتسيەنتىن ايتار بولساق، 2018-2019 -جىلدارى ءبىر ايەلگە/وتباسىعا 2,9 تۋۋدان كەلەدى. ال 2020 -جىلدىڭ كوەففيتسيەنتى ءالى ەسەپتەلگەن جوق. مۇنداي پروتسەسس پوتسكەڭەستىك ەلدەردىڭ بارلىعىندا بايقالادى»، - دەدى اياۋلىم ساعىنبايەۆا.
ستاتيستيكا سايكەس، 1000 ادامعا شاققانداعى تۋۋ سانىن كورسەتەتىن تۋۋدىڭ جالپى كوەففيتسيەنتى 2020 -جىلعى قاڭتار- جەلتوقساندا 1000 ادامعا 22,40 تۋعاندى قۇراپ وتىر. ءبىر ايەلدىڭ بۇكىل رەپرودۋكتيۆتى كەزەڭىندە تۋاتىن بالالار سانىن كورسەتەتىن تۋۋدىڭ جيىنتىق كوەففيتسيەنتى 2020 -جىلدىڭ 12 ايىنداعى الدىن الا دەرەكتەرگە سايكەس، ءبىر ايەلگە 3,12 بالانى قۇرادى.
سپيكەر تاياۋ جىلدارداعى حالىق سانىنىڭ وسىمىنە قاتىستى دا بولجامىمەن ءبولىستى.
«ەگەر بۇرىنىراق تۋۋدىڭ نەگىزگى ءوسىمى اۋىلدا تىركەلسە، قازىر جاعداي بىرتىندەپ تەڭەسىپ كەلە جاتىر. بۇل - تابيعي پروتسەسس. اۋىلدان قالاعا ىشكى كوشى- قون تولقىنى وسىنداي بالا تۋۋ كورسەتكىشىنىڭ ارتۋىنا اكەلەدى. تاياۋ جىلدارى نەگىزى نەكە مەن بالا سانالاتىن ءداستۇرلى فورماتتا ءتالىم- تاربيە العان 80- جىلدارعى ايەلدەر بۋىنىنىڭ اۋىسۋىن ەسكەرە وتىرىپ تۋۋ كورسەتكىشىنىڭ تومەندەۋىن كۇتەمىز»، - دەدى ول.