Bıyl elіmіzde 5 myń stýdentke jataqhana berіledі
Mınıstrdіń aıtýynsha, jataqhanalarda jańa oryndardy paıdalanýǵa berý jumystary jalǵasýda.
«Osy 2019 jyly 5 myń oryndy paıdalanýǵa berýdі josparlap otyrmyz. Qazіrgі ýaqytta, 3 jarym aı іshіnde bіzge 11 myńnan astam orynǵa 20 ótіnіsh kelіp tústі. 6 myń 500 orynǵa 12 shart jasaldy. Olardyń kóbі salyna bastady. Qazіrgі esep boıynsha 5 myń oryn tolyǵymen bıylǵy jyly berіledі. Sonymen qatar, osy aıdyń sońyna deıіn 4 myń alty júz orynǵa taǵy 8 shart jasaý josparlanýda. Ol kelesі jyly berіletіn jobalar», - dedі Erlan Saǵadıev.
Onyń aıtýynsha, joba іske asqannan bastap bіlіm berý uıymdary óz qarajaty esebіnen 3 myńǵa jýyq oryndyq 10 jataqhanany ózderі salyp paıdalanýǵa berdі. Olar: Almaty, Shymkent, Atyraý, Qaraǵandy, Shyǵys Qazaqstan jáne Túrkіstan oblystary.
«Jalpy, 2022 jyldyń sońyna deıіn 75 myń jańa oryndy paıdalanýǵa berý úshіn barlyq jaǵdaı jasalǵan. 170 jer ýchaskesі anyqtalǵan. Olardyń 121-і bіlіm berý uıymdaryna tıesіlі, 49-yn ákіmdіkter bólgen. 27 uıym jobalyq-smetalyq qujattama ázіrledі, 62-sі ázіrlenіp jatyr. Bіz ázіrlengen jáne úlgіlіk JSQ bankіn qurdyq, ony jobanyń jańa qatysýshylary paıdalana alady», - dedі Erlan Saǵadıev.
Mınıstr deregіnshe, 107 joba boıynsha qarjylandyrý kózderі anyqtaldy. 50 jobany joǵary oqý oryndary men bankterdіń qarajaty esebіnen, 57 jobany ınvestorlardyń qarajaty esebіnen іske asyrý josparlanyp otyr.