«تۇركىستان» گازەتىنىڭ Atajurt جوباسى تانىستىرىلدى
«وتانداستار قورى»، دۇنيەجۇزى قازاقتارىنىڭ قاۋىمداستىعى جانە «تۇركىستان» حالىقارالىق گازەتى بىرلەسە وتىرىپ ۇيىمداستىرعان شاراعا شۆەتسيا، تۇركيا، گەرمانيا، رەسەي، وزبەكستان، تاجىكستان، يران، موڭعوليا جانە تاعى دا باسقا الىس- جاقىن شەت ەلدەردەگى قازاق مادەني ۇيىمدارى مەن ورتالىقتارىنىڭ باسشىلارى، دياسپورا وكىلدەرى قاتىستى. ق ر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتى ءتوراعاسىنىڭ ورىنباسارى ەركىن ۇيسىنبايەۆ، ق ر سىرتقى ىستەر مينيسترلىگى كونسۋلدىق قىزمەت دەپارتامەنتى قازاق دياسپوراسىمەن جۇمىس ىستەۋ باسقارماسىنىڭ باسشىسى مۇحتار كارىباي، «وتانداستار قورى» ۆيتسە- پرەزيدەنتى ماعاۋيا سارباسوۆ، «تۇركىستان» حالىقارالىق گازەتىنىڭ باس رەداكتورى قۋات اۋەسباي ءسوز سويلەپ، پىكىرلەرىن ءبىلدىردى.
قانداستارىمىز الداعى ۋاقىتتا گازەت ۇجىمىمەن تىعىز بايلانىس ورناتىپ، اقپارات الماسۋعا مۇمكىندىك تۋعانىنا قۋانىشتى ەكەندەرىن ايتىپ، اتامەكەندەرىنە، قانداستارعا دەگەن لەبىزدەرىن جەتكىزدى. گازەتتىڭ جۇمىسىنا تابىس تىلەپ، پىكىرلەرىمەن ءبولىستى. الىس- جاقىن شەت ەلدەگى جانە ەلگە ورالعان قانداستاردىڭ تىنىس- تىرشىلىگىن تانىستىرۋ ماقساتىندا اشىلعان «Atajurt» جوباسى 1 جىلعا جۋىق ۋاقىت بويى وتانداستاردىڭ جەتىستىكتەرىن جاريالاپ، ءتۇرلى ماسەلەلەرىنىڭ شەشىلۋىنە اتسالىسىپ كەلەدى. جوبا ءارى قاراي دا جالعاسىن تاپپاق.