Astananyń ulttyq mýzeıinen SQO-ǵa 100 kartına ákelindi
Atalmysh shara aıasynda «Aq tilekpen Astana» atty kórme ótti. Oǵan elordadan qazaqstandyq sýretshilerdiń úzdik 100 týyndysy ákelindi.
О́ńirlik kommýnıkasıalar qyzmetiniń habarlaýynsha, «Aq tilekpen Astana» shyǵarmashylyq jobasy jas elordanyń álemniń qarqyndy damyp kele jatqan astanalarynyń biri retinde ondaǵy sýret óneriniń damýyn kórsetýge baǵyttalǵan.
Astana qalasy mádenıet jáne sport basqarmasy basshysynyń orynbasary Narıma Muhambetalınanyń aıtýynsha, kórmege 50-den astam sýretshilerdiń stıli men dáýiri bir-birine uqsas emes týyndylary qoıylǵan.
«Biz Soltústik Qazaqstan oblysyna qyzyqty mádenı baǵdarlama alyp keldik. Kórmeden bólek, soltústikqazaqstandyq turǵyndar Astananyń shyǵarmashylyq ujymdarynyń qatysýymen ótetin «Astanadan aq tilek» atty gala-konsertti tamashalaı alady. Jas kórermender úshin elordalyq qýyrshaqtar teatry «Máńgilik bala beıne» qoıylymyn sahnalaıdy. Beısenbi kúni keshke Open air konserti ótedi», - dep bólisti N.Muhambetalına.