Astanada Qazaq Kúresinen Azıa chempıonaty ótedi

None
None
ASTANA. QazAqparat - 26 tamyzda Astanada Qazaq Kúresi boıynsha Azıa chempıonaty ótedi, dep habarlaıdy QazAqparat tilshisi Halyqaralyq qazaq kúres federatsıasynyń baspasóz qyzmetine silteme jasap.

Qazaqtyń ulttyq kúresinen ótken jarystarǵa álemniń 10 elinen 50 sportshy qatysady dep kútilýde. Búgin Japonıa, О́zbekstan, Tájikstan men Mońǵolıa elderiniń sportshylary chempıonatqa qatysatyndaryn rastady. Sondaı-aq, Iran, Pákistan, Úndistan syndy elder sportshylaryn synǵa daıyndaý ústinde.

«Halyqaralyq qazaq kúresi federatsıasynyń negizgi mindeti - sportshylardy, mamandar men áýesqoılardy sporttyń atalǵan túrinen joǵary nátıjege jetý jolynda biriktirý. Sondaı-aq, qazaq kúresin tek Qazaqstanda ǵana emes, shetelge tanytý mindeti tur. Jarty jyldyń ishinde halyqaralyq chempıonat ótkizip úlgerdik. Oǵan álemniń 40 elinen sportshylar kelip qatysty. Sonymen qatar, jaqynda ǵana Batýmıde qazaq kúresinen Eýropa chempıonaty ótti. 26 tamyzda ózimizde, Astanada, uıymdastyrýdy josparlap otyrmyz», - dedi Halyqaralyq federatsıanyń bas hatshysynyń keńesshisi Ulan Rysqul.

Jarys segiz salmaq dárejesinde jáne absolıýttik salmaqtyq dárejede ótedi.

Qazaq kúresi Qazaqstanda asa tanymal sporttyń kóne túrleriniń biri.

سوڭعى جاڭالىقتار