Astana turǵyndary qoǵamdyq kólik baǵdarynyń shema-kartasyn ózderi tańdaıdy

ASTANA. QazAqparat - Astana LRT kompanıasy elorda turǵyndaryna aıaldamalarǵa ilinetin qoǵamdyq kólik baǵdarynyń shema-kartasyn ózderine yńǵaıly etip tańdaýdy usyndy, dep habarlandy kompanıanyń Feısbýktegi paraqshasynda.

«Biz qoǵamdyq kólikter baǵdary shema-kartasynyń jańa formatyn ázirlep jatyrmyz. Bul shema-kartalardyń barynsha halyqqa qolaıly bolǵanyn qalaımyz. Sizderdiń nazarlaryńyzǵa eki nusqany usynamyz. Qaı unaǵanyn tómendegi siltememen ótip, kórsetýlerińizdi suraımyz», - delingen habarlamada.

Habarlamada kópshilikke júrgizilgen saýalnama negizinde aıaldamalarǵa ilinetin shema-kartalardyń eń tıimdi nusqasy tańdalatyny jazylǵan.