الماتى كاسىپكەرلەرى Ashyq جوباسىنا قالاي ءوتىنىش بەرە الادى
«بۇگىن الماتى قالاسى اكىمدىگىنىڭ سايتىنداعى تىزىمدە پيلوتتىق جوباعا 264 بيزنەس نىسانداردىڭ قاتىساتىنى، ءبىر قاتىسۋشى ءوتىنىمىنىڭ وڭدەلىپ جاتقانى، 92 قاتىسۋشى QR- كودىن الۋ ساتىسىندا ەكەندىگى جاريالانعان. پيلوتتىق جوبانىڭ ارقاسىندا الماتىدا قىزىل جانە سارى مارتەبەسى بار 19 كەلۋشى انىقتالدى. جالپى، 17-قاڭتاردان 5-ساۋىرگە دەيىن رەسپۋبليكا بويىنشا قىزىل مارتەبەسى بار 273 ازامات انىقتالدى»، - دەيدى سپيكەر.
ايتۋار قوشمامبەتوۆ «Ashyq» قوسىمشاسىمەن جۇمىس ىستەۋ ءۇشىن كاسىپكەرلەردىڭ قانداي كەزەڭدەردەن وتۋلەرى ءتيىس ەكەنىن اتاپ ءوتتى.
«ول ءۇشىن الماتى قالاسىنىڭ كاسىپكەرلەر پالاتاسىنا ياندەكس پلاتفورماسىنداعى ۇلگىنى تولتىرۋ ارقىلى ءوتىنىم بەرۋ قاجەت. ءوتىنىم بەرۋگە ارنالعان سىلتەمەنى ءبىزدىڭ «بيزنەس شتاب الماتى» تەلەگرامم- ارناسىنان تابۋعا بولادى. بارلىق وتىنىمدەر بەرىلگەننەن كەيىن ەكونوميكالىق قىزمەت تۇرلەرىنىڭ جالپى جىكتەۋىشى سايكەستىگى تەكسەرىلىپ، اۋداندىق سانيتاريالىق- ەپيدەميولوگيالىق باقىلاۋ باسقارمالارىمەن كەلىسىلەدى. بۇدان ءارى تەكسەرۋ مەن ماقۇلداۋدان كەيىن بەرىلگەن وتىنىمدەر QR- كود جۇكتەۋگە رۇقسات بەرۋگە جىبەرىلەدى. رۇقسات العاننان كەيىن ءوتىنىم بەرۋشىلەر ەلەكتروندى پلاتفورمادا QR كود الۋ نۇسقاۋلىعىنا سايكەس QR- كودتى InfoKazakhstan.kz سايتىنان جۇكتەي الادى»، - دەدى ايتۋار قوشمامبەتوۆ.
جاڭادان قاتىسۋشىلار ءبىر اپتا بويى بىلىمدەرىن جەتىلدىرەدى ءارى تەستىلىك رەجيمدە جۇمىس ىستەيدى.
«ءبىر اپتادان كەيىن تەستىلىك رەجيم نەگىزىندە جاڭادان قاتىسۋشىلار اكىمدىك سايتىنداعى تىزىمگە ەنگىزىلەدى. QR جۇكتەۋگە رۇقسات بەرۋگە وتىنىمدەرى ءبىر كۇندە 2 رەت ساعات 12.00 جانە 18.00-دە جۇرگىزىلەدى. اكىمدىك سايتىنداعى قاتىسۋشىلار تىزىمىنە ەنگىزۋ اپتاسىنا 2 رەت سەيسەنبى جانە بەيسەنبى كۇندەرى جۇرگىزىلەدى»، - دەدى الماتى كاسىپكەرلەر پالاتاسىنىڭ ديرەكتورى.
نىسان ەكونوميكالىق قىزمەت تۇرلەرىنىڭ جالپى جىكتەۋىشى كودىنا سايكەس كەلمەسە نەمەسە كاسىپكەرلىك سۋبەكتىنىڭ جۇمىسىنا تىيىم سالىنسا، وندا «Ashyq» جوباسىنا قاتىسپايدى.
«بۇگىنگى كۇنى كينوتەاترلاردىڭ يەلەرى قوسىمشانى باستاۋ ءۇشىن ءجيى حابارلاسادى. بۇل ماسەلە قارالۋدا، جاڭا قاۋلى شىققان جاعدايدا كينوتەاترلار «Ashyq» جوباسى بويىنشا جۇمىس ىستەيتىن نىساندار تىزىمىنە ەنگىزىلۋى مۇمكىن»، - دەدى ول.