قازاق قىزى تايلاندتاعى تۋرنيردىڭ جارتىلاي فينالىنا شىقتى

استانا. قازاقپارات - قازاقستاندىق، 18 جاستاعى ارۋجان ساعىندىقوۆا تايلاندتا ءوتىپ جاتقان ITF World Tennis Tour W15 تۋرنيرىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

دۇنيەجۇزىلىك رەيتينگىدە 1162-ورىندا تۇرعان قازاقستاندىق تەننيسشى شيرەك فينالدا كورت يەسى سالاكتيپ ۋنمۋانگپەن شەبەرلىك بايقاستى.

ءبىرىنشى پارتيادا تايلاندتىق ويىنشى باسىمدىلىق كورسەتتى - 6:1.

ەسەسىنە سودان كەيىن ارۋجان كۇش الىپ كەتتى - 6:2، 7:5.

ارۋجان ساعىندىقوۆا فينالعا شىعۋ ءۇشىن الەمنىڭ 726-ىنشى، وسى جارىستىڭ 2-راكەتكاسى، امەريكالىق داشا يۆانوۆامەن تالاسادى.

ەسكە سالا كەتەيىك، بۇدان بۇرىن اندرەي گولۋبيەۆتىڭ جۇپتىق سىندا گەرمانياداعى جارىستىڭ جارتىلاي فينالىنا شىققانىن جازعان بولاتىنبىز.

سونداي-اق رولان گارروس تۋرنيرىندە ايەلدەر اراسىندا فينالعا شىققان تەننيسشىلەر انىقتالدى.