كۇش قۇرىلىمدارىن ازاپتاۋ فاكتىسى بويىنشا «ديكي ارمان» سوتتا جەڭىپ شىقتى

None
الماتى. قازاقپارات - «ديكي ارمان» لاقاپ اتىمەن تانىمال ارمان جۇماگەلديەۆ كۇش قۇرىلىمدارىن ازاپتاۋ فاكتىسى بويىنشا سوتتا جەڭىپ شىقتى.

بۇل تۋرالى ادۆوكات ولەگ چەرنوۆ ءمالىم ەتتى، دەپ حابارلايدى قازاقپارات ءتىلشىسى.

«ول (ديكي ارمان) ازاپتاۋ جانە قۇقىق قورعاۋ ورگاندارىنىڭ وزگە زاڭسىز ارەكەتتەرىنە قاتىستى سوتتا جەڭدى. بۇگىن بۇل تۋرالى ءبىلىپ، قاتتى قۋاندى. زاڭ ول ءۇشىن جۇمىس ىستەمەيتىنىن، ءبىراق بۇگىن تاڭعاجايىپ وقيعانىڭ بولعانىن ايتتى»، - دەپ جازدى ولەگ چەرنوۆ. اتالعان ىسكە قاتىستى سوت جابىق تۇردە وتكەندىكتەن، قالالىق سوت وكىلدەرى اقپارات تاراتىلمايتىنىن جەتكىزدى.

بۇعان دەيىن سوت ارمان جۇماگەلديەۆتى قاماۋدا ۇستاۋ مەرزىمىن 7- تامىزعا دەيىن سوزعان ەدى. ەسكە سالايىق، بىلتىر 7- قاڭتاردا الماتىدا پوليتسەيلەر «ديكي ارمان» لاقاپ اتىمەن تانىمال قىلمىس الەمىنىڭ بەدەلدىسى ارمان جۇماگەلديەۆتى ۇستاعان بولاتىن. كەيىن ق ر باس پروكۋراتۋراسى «ديكي ارماننىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن جەتكىزدى.

سوڭعى جاڭالىقتار