ورمان ءورتى: سەمەي قالاسىندا توتەنشە جاعداي رەجيمى جاريالاندى

سەمەي. قازاقپارات - سەمەيدە ورمان ورتىنە بايلانىستى توتەنشە جاعداي جاريالاندى. قازاقپارات بۇل تۋرالى اباي وبلىسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.

«سەمەي ورمانى» مەملەكەتتىك ورمان تابيعي رەزەرۆاتى اۋماعىندا (باتپايەۆ ورمان شارۋاشىلى 66، 67، 55، جانە 42-كۆارتالدار) ءورتتىڭ تۇتانۋىنا بايلانىستى سەمەي قالاسىنىڭ اۋماعىندا جەرگىلىكتى اۋقىمدا تابيعي سيپاتتاعى توتەنشە جاعداي رەجيمى جاريالانسىن»، - دەلىنگەن سەمەي قالاسىنىڭ اكىمى نۇربول نۇرساعاتوۆتىڭ شەشىمىندە.

توتەنشە جاعدايدى جويۋ بويىنشا شتاب باسشىسى بولىپ قالا اكىمىنىڭ ورىنباسارى راميل دوسماعانبەتوۆ بەلگىلەندى.

ايتا كەتەيىك، اباي وبلىسىنىڭ بورودۋليحا اۋدانىندا توتەنشە جاعداي ءالى دە ساقتالۋدا.

«سەمەي» ورمانى رەزەرۆاتىندا ءورت 8- ماۋسىم كۇنى شىققان بولاتىن. «ءورت نايزاعايدىڭ 2 رەت سوعۋىنان شىققان. ءورتتى تەز ارادا اۋىزدىقتاۋ مۇمكىن بولمادى، وعان سەبەپ «سەمەي ورمانى» مەملەكەتتىك ورمان تابيعي رەزەرۆاتى تەحنيكاسى بيىك قۇم توبەلەرى ورنالاسقان ايماققا جەتە المادى»، - دەگەن بولاتىن اباي وبلىسى اكىمىنىڭ ورىنباسارى ديميتري گاريكوۆ.

بۇگىن بەلگىلى بولعانداي، ورمان ءورتىن سوندىرۋمەن اينالىسىپ جاتقان 14 مامانمەن بايلانىس ۇزىلگەن. قازىر ولاردى ىزدەستىرۋ شارالارى جۇرگىزىلىپ جاتىر.