ەۋروپالىق ساراپشىلار قازاقستان جايلى جاڭا كىتاپتى تانىستىردى

None
استانا. قازاقپارات - استانا حالىقارالىق فورۋمى اياسىندا «جاڭا قازاقستان: جاھاندىق الاساپىران كەزىندە دالانى باسقارۋ» كىتابىنىڭ تۇساۋى كەسىلدى، دەپ حابارلايدى قازاقپارات ءتىلشىسى.

نيۋ-يوركتە تۇراتىن ەكونوميست، Dr. Doom لاقاپ اتىمەن تانىمال كىتاپ اۆتورى نۋريەل رۋبينيدىڭ ايتۋىنشا، جۇمىس ءارتۇرلى سالاداعى باسقا دا تانىمال ماماندارمەن بىرلەسىپ جاسالعان.

كىتاپ ءارتۇرلى سالالارداعى جەتەكشى شەتەلدىك زەرتتەۋشىلەر مەن ساراپشىلاردىڭ ەسسەلەر جيناعى فورماتىندا جازىلعان.

وندا الەمدىك قوعامداستىقتىڭ عالامدىق تۋربۋلەنتتىك جاعدايىنداعى قازاقستاننىڭ وزگەرىستەرى مەن مۇمكىندىكتەرىنە، سونداي-اق رەسپۋبليكادا جۇرگىزىلىپ جاتقان رەفورمالاردىڭ ماڭىزىنا بەرگەن ساراپتامالىق باعاسى شوعىرلاندىرىلعان.

ول ەكونوميكالىق، مونەتارلىق جانە قارجىلىق تاۋەكەل سياقتى كوپتەگەن قاۋىپ-قاتەرمەن، سونداي-اق گەوساياسات، كليماتتىڭ وزگەرۋى، پاندەميا، جاھاندانۋ، جاساندى ينتەللەكتىڭ پايدا بولۋىنا قاتىستى كۇردەلى ماسەلەلەرمەن ۇشتاساتىن بۇرىن-سوڭدى بولماعان بەلگىسىزدىك كەزىندەگى ءومىر تۋرالى باياندايدى.

ق ر پرەزيدەنتى جانىنداعى ورتالىق كوممۋنيكاتسيالار قىزمەتى ديرەكتورى اسقار وماروۆ قازاقستانعا شولۋ جاساعان كىتاپ توسىنسىي بولعانىن ايتادى.

«كىتاپ الەمدىك قوعامداستىقتىڭ ەلىمىزگە دەگەن ۇلكەن قىزىعۋشىلىعىن كورسەتەدى. الەمدە قازاقستاندا بولىپ جاتقان ەكونوميكا پروتسەستەرىنە سونشالىقتى كەڭ، ءبىراق سونىمەن بىرگە قىسقاشا شولۋدى قامتيتىن كوپ جۇمىس جوق. كىتاپ شەتەلدىك تە، قازاقستاندىق وقىرماندار ءۇشىن دە قىزىقتى بولاتىنىنا سەنىمدىمىن. ول قازاق تىلىنە اۋدارىلادى دەپ ۇمىتتەنەمىز. وبەكتيۆتى كوزقاراس ەلىمىزدە بولىپ جاتقان پروتسەستەردىڭ يگىلىكتەرىن تۇسىنۋگە كومەكتەسەدى»، - دەدى اسقار وماروۆ كىتاپتىڭ تۇساۋكەسەر راسىمىندە.

ايتا كەتەرلىگى، بۇل باسىلىمدا قازاقستان ءۇشىن جاھاندىق دەڭگەيدەگى وزگەرىستەر مەن مۇمكىندىكتەرگە قاتىستى الەمدىك قوعامداستىقتىڭ ساراپتامالىق باعالاۋى، سونداي-اق ەل اياسىنداعى اعىمداعى رەفورمالاردىڭ ماڭىزى توپتاستىرىلعان.

«ءبىز كىتاپتا قازاقستان مەن ەو اراسىنداعى ەكونوميكالىق بايلانىستار وتە جاقىن ەكەنىن كورسەتەمىز. ءبىراق، سونىمەن بىرگە قازاقستاننان ەو- عا ەكسپورت تاۋارلار مەن شيكىزاتتان، ال قازاقستانعا ە و- دان ەكسپورت دايىن ونىمدەردەن تۇرادى. ءبىز سونداي- اق ەكىجاقتى ەكونوميكالىق ينتەگراتسيانى تەرەڭدەتۋگە ىقپال ەتەتىن ارنالارىمىزدى تالقىلايمىز. ءبىز تىعىز ىنتىماقتاستىقتى جانە بەلگىلى ءبىر جەتكىزۋ تىزبەگىنە بايلانىستى تاۋەكەلدەردى قاراستىرامىز. وسىعان بايلانىستى، تالداۋ جۇرگىزۋ كەزىندە ءتورت قورىتىندىعا كەلدىك. بۇل تەك قازاقستاننىڭ عانا ەمەس، ەۋرازيالىق وداقتىڭ دا بيزنەس- مودەلدەرىن ترانسفورماتسيالاۋعا نەگىزدەلگەن. ءبىرىنشىسى - ينتەگراتسيانى تەرەڭدەتۋ ءۇشىن ستراتەگيالىق جول كارتاسىن ازىرلەۋ. ەكىنشى قورىتىندى جەتكىزىلىم تىزبەگى مەن قۇندىلىقتاردى جاڭارتۋدى دامىتۋعا بايلانىستى. بۇل تەرەڭىرەك ستراتەگيالىق ىنتىماقتاستىق ءۇشىن ماڭىزدى. الەمنىڭ باسقا بولىگىمەن ەكونوميكالىق قارىم-قاتىناستى قالىپتاستىرا وتىرىپ، ساۋدا سەرىكتەستەرىنىڭ بولاشاعى تۋرالى دا ۇمىتپاۋىمىز كەرەك. وسى سەبەپتى اتالعان باعىتتى جاعىرتۋ ماڭىزدى. سونىمەن قاتار ول ستراتەگيالىق جول كارتاسىنا بىرىكتىرىلۋى كەرەك. ءۇشىنشى قورىتىندى - ءبىلىمدى كەڭەيتۋ جانە رەسۋرس پەن تەحنولوگيا الماسۋ. ياعني، ءسىز وندىرە المايتىن نارسەنى ەكسپورتتاي الاسىز. ءسىز ءبىلىم، زەرتتەۋ الماسۋعا ينۆەستيتسيا سالا ءبىلۋىڭىز كەرەك. ال، سوڭعىسى - شولۋ. قارجىلاندىرۋ شوعىرىن قاراۋ ماڭىزدى. ويتكەنى بۇل - ستراتەگيالىق ىنتىماقتاستىقتى كۇشەيتۋدى باستاۋ مۇمكىندىگى. كەيىننەن بۇل ەكونوميكالىق قاتىناستىڭ قارقىندى دامۋىنا قول جەتكىزۋگە جاقسى مۇمكىندىك بولادى»، - دەيدى ەۋروپالىق ساياسات جەلىسى ورتالىعىنىڭ ديرەكتورى ۆوپەل حاننيگ.

سوڭعى جاڭالىقتار