كۇنسۇلۋ زاكاريا پاندەميا جونىندە: جاڭا سىناققا دايىن بولۋىمىز كەرەك

استانا. قازاقپارات - ۇلتتىق عىلىم اكادەمياسىنىڭ پرەزيدەنتى كۇنسۇلۋ زاكاريا پاندەميا كەزىندە العان تاجىريبەنى قايتالانۋى ىقتيمال ەپيدەميا جاعدايىندا ەسكەرۋ قاجەتتىگىن مالىمدەدى، دەپ حابارلايدى قازاقپارات ءتىلشىسى.

«استانا حالىقارالىق فورۋمى اياسىندا دەنساۋلىق ساقتاۋدىڭ جاھاندىق پروبلەمالارىنا ارنالعان ۇلكەن پانەلدىك سەسسيا ءوتتى. سەسسيادا پاندەميا قورىتىندىلارى تۋرالى سۇراقتار كوتەرىلدى. راسىندا ءبىز پاندەميادان ۇلكەن ساباق الدىق. پاندەميا كەزىندە العان وڭىرلىك، رەسپۋبليكالىق جانە جاھاندىق اۋقىمدى تاجىريبەنى ۇمىتپاۋىمىز كەرەك. سوندىقتان فورۋم سەسسياسىندا عالىمدار مەن ماماندار، سونداي- اق Pfizer سەكىلدى ءىرى كومپانيالاردىڭ باسشىلارى، دۇنيەجۇزىلىك دەنساۋلىق ساقتاۋ ۇيىمى جانە ا ق ش- تىڭ اۋرۋلاردى باقىلاۋ جانە الدىن الۋ ورتالىعىنىڭ وكىلدەرى ەلدەردىڭ تاجىريبەسىن جيناقتاۋ قاجەت دەگەن پىكىرگە كەلدى»، - دەدى كۇنسۇلۋ زاكاريا استانا حالىقارالىق فورۋمى بارىسىندا قازاقپارات ءتىلشىسىنىڭ ساۋالىنا جاۋاپ بەرە تۇرىپ.

ونىڭ ايتۋىنشا، كەلەسى ىقتيمال قاۋىپ- قاتەرلەرگە تولىق دايىن بولۋ ءۇشىن بارلىق قاجەتتى شارالار مەن نۇسقاۋلىقتار ءازىر بولۋى ءتيىس.

«قازاقستان بۇل باعىتتا ۇلكەن تاجىريبە جيناقتادى. ۆەدومستۆوارالىق ءوزارا ءىس- قيمىلدا اۋقىمدى وزگەرىستەر بولدى. ويتكەنى ماسەلەنى دەنساۋلىق ساقتاۋ مينيسترلىگى عانا شەشكەن جوق. بۇل جەردە قارجىلاندىرۋ قاجەت بولدى (قارجى مينيسترلىگى) ، جابىق شەكارالار جاعدايىندا (ق ر سءى م) سىرتتان تاۋارلار اكەلۋ كەرەك بولدى. ال عالىمدار جاڭا تەحنولوگيالار مەن زەرتتەۋ ادىستەرىنە قول جەتكىزدى. ەڭ باستىسى - ءبىز ورتالىق ازيادا تولىق سيكلدى ۆاكتسينالار شىعاراتىن العاشقى زاۋىت سالدىق. جاڭا ىقتيمال سىناقتارعا دايىن بولۋ ءۇشىن ءوز تاجىريبەمىزدەن ساباق الۋىمىز كەرەك»، - دەيدى ۇلتتىق عىلىم اكادەمياسىنىڭ پرەزيدەنتى.