مەملەكەت باسشىسى بەلگىلى ەكونوميست نۋريەل رۋبينيدى قابىلدادى

استانا. قازاقپارات - پرەزيدەنت قاسىم- جومارت توقايەۆ استانا حالىقارالىق فورۋمىنا قاتىسۋ ءۇشىن كەلگەن بەلگىلى امەريكالىق ەكونوميست، نيۋ- يورك ۋنيۆەرسيتەتىنىڭ پروفەسسورى، Roubini Macro Associates كونسالتينگ كومپانياسىنىڭ ديرەكتورى نۋريەل رۋبينيدى قابىلدادى. قازاقپارات بۇل تۋرالى اقورداعا سىلتەمە جاساپ حابارلايدى.

پرەزيدەنت استانا حالىقارالىق فورۋمىنا قاتىسىپ، الەمدەگى سىن- قاتەرلەر تۋرالى ءوزىنىڭ وي- پىكىرىن ورتاعا سالعانى ءۇشىن نۋريەل رۋبينيگە ريزاشىلىعىن ءبىلدىردى. كەزدەسۋدە جاھاندىق قارجى نارىعىنداعى نەگىزگى ۇردىستەر تالقىلاندى.