قازاقستاندا جەكە كاسىپكەرلەر سانى قانشا

استانا. قازاقپارات - ەلىمىزدە جەكە كاسىپكەرلەر سانى ارتۋمەن قاتار، ولاردىڭ تابىسى دا ۇلعايىپ كەلەدى.

تولىعىراق قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى دانيار ءجانالىنوۆ ءمالىم ەتتى، دەپ حابارلايدى قازاقپارات ءتىلشىسى.

«بيىل شاعىن بيزنەس سۋبەكتىلەرىن ياعني جەكە كاسىپكەرلەردى كىرىستەر سالىعىنان بوساتۋ مەرزىمى اياقتالدى. ەلىمىزدە سوڭعى 3 جىل ىشىندە جەكە كاسىپكەرلەردىڭ سانى 1,1 ميلليوننان 1,6 ميلليونعا دەيىن ارتتى. وتكەن جىلعى ەسەپ بويىنشا ءار جەكە كاسىپكەردىڭ ورتاشا تابىسى 9,2 ميلليون تەڭگەنى قۇرادى. 2019 -جىلى بۇل كورسەتكىش 5,1 ميلليون تەڭگە بولعان»، - دەدى دانيار ءجانالىنوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

سونداي- اق كوميتەت باسشىسى جەكەلەگەن كاسىپكەرلەر جالدامالى جۇمىسشىلاردى جاسىراتىنىن ايتىپ وتىر.

«جەكە كاسىپكەرلەردىڭ جالدامالى جۇمىسشىلاردى كورسەتپەۋى ۇلكەن پروبلەماعا اينالىپ وتىر. بۇل دەگەنىمىز جالدامالى جۇمىسشىلاردىڭ زەينەتاقى جانە الەۋمەتتىك تولەمدەردى الا الماي، مەديتسينالىق قىزمەتكە جۇگىنگەندە شەكتەۋلەرگە اكەپ سوعادى. بۇگىندە 1,2 ميلليون جەكە كاسىپكەردە جالدامالى جۇمىسشى جوق، ال 89,3 مىڭ كاسىپكەردە 1 عانا جالدامالى جۇمىسشى بار. جالپى ەلىمىزدەگى كاسىپكەرلەردىڭ تەك 9,5 پايىزىندا عانا 5 تەن استام قىزمەتكەرى بار. كاسىپكەرلەردى ىنتالاندىرىپ، كولەڭكەدەگى جۇمىسشىلارىن جاسىرماۋ ماقساتىندا بيىلدان باستاپ مەملەكەت باسشىسىنىڭ تاپسىرماسى بويىنشا ەڭبەكاقى تولەۋ قورىنان 20 پايىزى مولشەرىندە ءبىرىڭعاي تولەم جاساۋ ەنگىزىلدى»، - دەيدى ۆەدومستۆو باسشىسى.