قازاقستان ەلەكتر ەنەرگياسىن تۇركيا مەن ەۋروپاعا ەكسپورتتاۋدى جوسپارلاپ وتىر
«قازىرگى كەزدە ەلەكتر ەنەرياسى قۋاتىن جەتكىزۋ سالاسىندا ءبىرىنشى كەزەكتە ەل اۋماعىن تولىقتاي قامتاماسىز ەتۋگە باسا نازار اۋدارىپ وتىرمىز. سونىمەن بىرگە ءبىز وسى باعىتتا بىرەگەي الەۋەتىمىزدى پايدالانىپ، ەنەرگيانى ەۋروپاعا دا ەكسپورتتاۋدى قاراستىرىپ جاتىرمىز. ازەربايجانداعى ارىپتەستەرىمىزبەن جوعارى قۋاتتى كابەلدى تارتۋ بويىنشا جاڭا جوبانى تالقىلاۋدى باستادىق. بۇل جوبا قازاقستانعا ەلەكتر ەنەرگياسىن تۇركياعا، ەۋروپاعا جەتكىزۋگە مۇمكىندىك بەرەر ەدى»، - دەدى ا. ساتقاليەۆ.
سونىمەن قاتار ۆەدومستۆو باسشىسى قازاقستان كومىردىڭ ورنىنا وتىن رەتىندە تابيعي گازدى پايدالانۋعا نازار اۋدارىپ وتىرعانىن ەسكە سالدى.
«تازا وتىننان وندىرىلگەن ەلەكتر ەنەرگياسى بىزگە ەكسپورتتىق پرەفەرەنتسيالار الۋعا ىقپال جاسايتىنىن جانە ەل ىشىندەگى وندىرىستەرگە قاجەت ەنەرگيانى قامتاماسىز ەتۋگە مۇمكىندىك بەرەتىنىن تۇسىنەمىز. تابيعي گاز - كومىر رەسۋرستارىن الماستىرا الاتىن وتىن. بىزدە وسى باعىتتا كەشەندى جوسپار بار. سوندىقتان ستراتەگيالىق سەرىكتەستەرمەن وسى جۇمىستاردى پىسىقتاپ جاتىرمىز. جوسپارلارىمىزدى جۇزەگە اسىرۋدان ەلەۋلى ناتيجە بولادى دەپ ويلايمىز»، - دەدى مينيستر