بۇقتىرماعا دەمالىس بازاسى ماڭىندا مۇناي توگىلگەن، كىم توككەنى انىقتالىپ جاتىر

None
وسكەمەن. قازاقپارات - شىعىس قازاقستان وبلىسىنداعى بۇقتىرما سۋ قويماسىنا مۇناي توگىلۋىنە بايلانىستى ەكولوگيالىق تەكسەرۋ اياقتالدى، دەپ حابارلايدى قازاقپارات ءتىلشىسى.

ش ق و ەكولوگيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بۇقتىرما سۋ قويماسىنان مايلى داق تابىلۋىنا بايلانىستى ەكولوگيالىق تەكسەرۋ مارەسىنە جەتتى.

بەلگىلى بولعانداي، مۇناي التاي اۋدانىنداعى «ايۋدا» دەمالىس بازاسىنىڭ ماڭىندا توگىلگەن.

«دەمالىس بازاسى ماڭىنان الىنعان سۋ سىناماسىندا مۇناي ونىمدەرىنىڭ مولشەرى نورمادان 38,8 ەسە اسىپ كەتكەنى انىقتالدى. ال بازانىڭ سول جاعىنان الىنعان سىنامادا نورمادان 24,2 ەسە اسىپ وتىر. مۇناي توگىلگەن الاڭنىڭ جالپى اۋدانى شامامەن 50 مىڭ شارشى مەتردى قۇرادى»، - دەلىنگەن اقپاراتتا

وسىعان وراي قۇرامىنا بۇكىل قۇزىرلى مەملەكەتتىك ورگان وكىلدەرى كىرەتىن ارنايى كوميسسيالىق توپ قۇرىلدى.

سۋ قويماسىنا مۇنايدى كىم توككەنى انىقتالىپ جاتىر. زاڭعا سايكەس، كىنالىلەر سۋ قويماسىنىڭ لاستانعان ايماعىن تازارتۋعا مىندەتتەلەدى.

ەسكە سالساق، وسىعان دەيىن شىعىس قازاقستان وبلىسىنداعى بۇقتىرما سۋ قويماسىنان مايلى داق تابىلىپ، ەكولوگيالىق تەكسەرۋ باستالعانىن حابارلاعان ەدىك.

سوڭعى جاڭالىقتار