پرەزيدەنت بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا سۆيانوۆيچپەن كەزدەستى
قاسىم- جومارت توقايەۆ جەلكا سۆيانوۆيچكە ءىلتيپات بىلدىرە وتىرىپ، استانا حالىقارالىق فورۋمىنىڭ جۇمىسىنا بەلسەندى قاتىسقانى ءۇشىن العىس ايتتى.
پرەزيدەنت بۇل ساپار ەكىجاقتى قارىم- قاتىناستاردى دامىتۋعا جانە اۋقىمدى ماسەلەلەر بويىنشا ءوزارا ءتيىمدى ىنتىماقتاستىقتى ىسكە اسىرۋ ءۇشىن جاقسى مۇمكىندىكتەرگە جول اشاتىنىن اتاپ ءوتتى.
مەملەكەت باسشىسى بوسنيا جانە گەرتسەگوۆينانى وڭتۇستىك- شىعىس ەۋروپا مەن بالقان ايماعىنداعى پەرسپەكتيۆتى ساۋدا- ەكونوميكالىق سەرىكتەس رەتىندە قاراستىراتىنىن ايتتى.
جەلكا سۆيانوۆيچ قوناقجايلىق كورسەتىپ، جىلى قابىلداعانى، سونداي- اق استانا حالىقارالىق فورۋمىنا شاقىرعانى ءۇشىن العىس ايتتى.
بۇدان بولەك، ول اتالعان فورۋمدى وتكىزۋدىڭ ماڭىزىن اتاپ ءوتىپ، ونىڭ اياسىندا حالىقارالىق ىنتىماقتاستىق پەن جاھاندىق ەكونوميكانىڭ قازىرگى جاعدايىنا قاتىستى جاڭا باستامالار ايتىلعانىن جەتكىزدى.
تاراپتار سونداي- اق حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
ءوزارا سەنىمگە نەگىزدەلگەن كەلىسسوزدەر سىندارلى جانە مازمۇندى سيپاتتا ءوتتى.
كەلىسسوز ناتيجەسىندە ەكىجاقتى ىنتىماقتاستىقتى جانداندىرۋ بويىنشا ۋاعدالاستىققا قول جەتكىزىلدى.