قازاقستان ءوزىنىڭ ۇلتتىق مۇددەسىن ەسكەرىپ، ءتيىستى ساياساتىن جۇرگىزىپ جاتىر - سەنات ءتوراعاسى

استانا. قازاقپارات - الەمدە بارلىق ەلگە بىردەي قۇرمەتپەن قارايتىن جاڭا پاراديگما قاجەت. بۇل تۋرالى استانا حالىقارالىق فورۋمىندا سەنات ءتوراعاسى ماۋلەن اشىمبايەۆ ايتتى، دەپ حابارلايدى قازاقپارات ءتىلشىسى.

«بىرىنشىدەن، ءاربىر ەل ءوزىنىڭ ۇلتتىق مۇددەسىنە باعىتتالعان ساياساتتى جۇزەگە اسىرۋعا مىندەتتى. بۇل تۇرعىدا قازاقستاندا دا ءوزىنىڭ ۇلتتىق مۇددەسىن ەسكەرىپ، ءتيىستى ساياساتىن جۇرگىزىپ جاتىر. ءبىزدىڭ ۇلتتىق مۇددەمىزگە اۋماقتىق تۇتاستىعىمىز، تاۋەلسىزدىگىمىز، ازاماتتاردىڭ قاۋىپسىزدىگى، ەلدىڭ تۇراقتىلىعى، مەملەكەتتىك ينستيتۋتتار جاتادى. سوندىقتان ناقتى ءبىر مەملەكەتتەن «قاي ەلمەن قارىم- قاتىناسىڭدى نىعايتاسىڭ» دەپ سۇراۋ دۇرىس ەمەس. وسى ورايدا «ءدال قازىر ۇلتتىق مۇددەلەرىڭىز قانداي باسىمدىقتاردى ەسكەرىپ وتىر» دەپ سۇراعان ءجون بولار»، - دەدى م. اشىمبايەۆ فورۋمدا پىكىر الماسۋ كەزىندە.

وسى ورايدا ول قازاقستان ءوزىنىڭ تاۋەلسىزدىگىن نىعايتۋدى، ەكونوميكانى دامىتۋدى باستى ماقسات رەتىندە قويعانىن ايتتى.

«وسى ماقسات اياسىندا الپاۋىت مەملەكەتتەرمەن ىنتىماقتاستىقتى جالعاستىرامىز. ماسەلەن، ا ق ش قازاقستان ەكونوميكاسىنداعى ەڭ ءىرى ينۆەستورلاردىڭ ءبىرى سانالادى. امەريكا كومپانيالارى قازاقستاننىڭ . ەنەرگەتيكا سالاسىنا كوپ ينۆەستيتسيا سالدى. سوندىقتان ءبىز ولارمەن جۇمىس ىستەپ، جاڭا جوبالاردى ىسكە اسىرعىمىز كەلەدى. بۇل رەتتە قىتايدىڭ، ەۋروپانىڭ كومپانيالارمەن بىرگە جۇمىس ىستەۋگە مۇددەلىمىز. كورشىلەس رەسەي دە ءبىزدىڭ باستى سەرىكتەستەرىمىزدىڭ ءبىرى. اتاپ ايتقاندا، ۇلتتىق مۇددە تۇرعىسىندا بارلىق ەلدەرمەن جاقسى قارىم- قاتىناستا جالعاستىرامىز»، - دەدى سەنات ءتوراعاسى.

ونىڭ پايىمىنشا، وتكەن عاسىردا قالىپتاسقان ەسكى تۇسىنىكتەردەن الشاقتاۋ كەرەك.

«قازىرگى كەزدە حالىقارالىق جۇيە ءىرى مەملەكەتتەردىڭ مۇددەسى توڭىرەگىندە دامىپ كەلەدى. مەنىڭ ويىمشا، بۇل كوزقاراس 21- عاسىردا دۇرىس ەمەس. بىزگە بارلىق ەلدىڭ مۇددەسى اياسىندا تەڭگەرىمدى ەسكەرەتىن، سونداي- اق بارلىق ەلگە بىردەي قۇرمەتپەن قارايتىن جاڭا پاراديگما قاجەت. بۇل ءوز كەزەگىندە جاڭا باسىمدىقتاردىڭ ءبىرى»، - دەدى ماۋلەن اشىمبايەۆ.