مەن وزىممەن بىرگە جەكە كۋالىكتەرىمدى الىپ جۇرمەيمىن - باعدات مۋسين
مينيستر قازاقستان ازاماتتارى ەل ىشىندە وزدەرىمەن جەكە باسىن كۋالاندىراتىن قۇجاتتاردىڭ ءتۇپنۇسقاسىن، جۇرگىزۋشى كۋالىگىن جانە باسقا دا كۋالىك تۇرلەرىن الىپ ءجۇرۋى مىندەتتى ەمەس ەكەنىن ەسكە سالدى.
«ەشبىر الەۋمەتتىك قۇجاتتاردى الىپ ءجۇرۋدىڭ قاجەتى جوق. مۇنىڭ ءبارى زاڭدى، سيفرلىق قۇجاتتاردىڭ قۇقىقتىق مارتەبەسى بەكىتىلگەن. ماسەلەن، ءوز باسىم قازاقستان اۋماعىندا جۇرگەندە قالتاما ءاميان سالمايمىن. تەك ۇيالى تەلەفوندى عانا پايدالانامىن. كەز كەلگەن قازاقستان ازاماتىنان سۇراڭىز، ولاردىڭ كوبىسى قاعاز قۇجاتتىڭ ءتۇپنۇسقاسىن نەمەسە بانك كارتاسىن جانە باسقا دا كۋالىكتى ءوزىمىن بىرگە الىپ جۇرمەيدى»، - دەدى ب. مۋسين فورۋم اياسىندا وتكەن سەسسيا بارىسىندا.
بۇدان بۇرىن حابارلانعانداي، بۇگىنگى فورۋمدا ۇلتتىق ەكونوميكا ءمينيسترى الىبەك قۋانتىروۆ پەرسپەكتيۆاسى تومەن اۋىلداردىڭ تۇرعىندارىن دامۋ مۇمكىندىگى جوعارى ەلدى مەكەندەرگە كوشىرۋ مۇمكىندىگىنە قاتىستى پىكىر ءبىلدىردى.
سەنات ءتوراعاسى ماۋلەن اشىمبايەۆ استانا حالىقارالىق فورۋمى الاڭىندا ءسوز سويلەپ، الەمدىك ءتارتىپتىڭ پاراديگماسى وزگەرگەن كەزەڭدەگى «ورتا» مەملەكەتتەردىڭ ءرولى جونىندە بايانداما جاسادى.